විදෙස් රටවල සිරවී සිටින 33 දෙනෙක් ගෙන්වා ගැනීමට අවසර

ඩයනා උදයංගනී

විදේශයන්හි ගුවන් තොටුපලවල සිරවී සිටින ශ්‍රී ලාංකිකයින් 33 ක් දිවයිනට ගෙන්වා ගැනීමට රජය පියවර ගෙන ඇතැයි කැබිනට් ප්‍රකාශක ඇමැති බන්දුල ගුණවර්ධන මහතා පැවසීය.

අමාත්‍යවරයා බව පැවසුවේ රජයේ ප්‍රවෘත්ති දෙපාර්තමේන්තුවේදී පැවති කැබිනට් තීරණ දැනුම් දීමේ මාධ්‍ය සාකච්ඡාවේදීය.

ඔවුන් ශ්‍රී ලංකාවට පැමිණීමෙන් අනතුරුව නිරෝධායන ක්‍රියාවලියන් සඳහා යොමු කරවන බවද ඇමැතිවරයා කීවේය.

මෙහිදී අදහස් දැක්වූ සම කැබිනට් ප්‍රකාශක, ඇමති රමේෂ් පතිරණ මහතා පැවසුවේ මෙලෙස මෙරටට ගෙන්වා ගැනීමට රජය තීරණය කර ඇත්තේ සිංගප්පූරුව, ඕමානය, ඩුබායි, ඉතියෝපියාව, තුර්කිය, මැලේසියාව, ඉන්දියාවේ නවදිල්ලි නුවර, මාලදිවයින, බ්‍රිතාන්‍යයේ ලන්ඩන් නුවර, සීෂෙල්ස්, පැපුවා නිව්ගිනියා, පෘතුගාලය සහ ඊජිප්තුව යන රටවල සිටින පිරිසක් බවයි.

මීට අමතරව විදේශයන්හි සිට ශ්‍රී ලංකාවට පැමිණීමට බලාපොරොත්තුවෙන් සිටින සෙසු පිරිස් ද පවතින කොරෝනා තත්ත්වය සමනයවීමෙන් පසු මෙරටට ගෙන්වා ගැනීමට බලාපොරොත්තු වන බව රමේෂ් පතිරණ මහතා කීවේය.

අදහස් (6)

විදෙස් රටවල සිරවී සිටින 33 දෙනෙක් ගෙන්වා ගැනීමට අවසර

Laksitha Paris Thursday, 09 April 2020 06:45 AM

මාවත් ගෙන්වා ගන්න බැරිද.?

: 0 0

Ruhunu Thursday, 09 April 2020 07:32 AM

ඔබතුමාගේ මුහුණ දැකපුකල්... මෙච්චර දවස් කොහෙද හිටියේ..?

: 0 0

නන්නාදුනන හාදයා Thursday, 09 April 2020 07:45 AM

දේශපාලුවන්ගේ දරුවන්, නැතිනම් කට්ටි පනින නෑදෑයන් වෙන්න ඇති....

: 4 0

බද්රානි Thursday, 09 April 2020 08:20 AM

රටේ මහජනතාවගේ මුදලින් ඔවුන්ගේ (පාලකයින්ගේ හෙන්චයියන් සහ හිතවතුන්) අයව ගෙන්වා ගැනීමට තමයි මේ සිදුකරන්න හදන්නේ. රටේ පාලකයින් කරන රංගනයන් රටේ සමහරක් මෝඩයින්ට වැටහෙන්නේ නැහැ. පහුගිය කාලේ ඕනාවට වඩා කාල ඇඟේ තෙල දාලා දඟර නැටුම් නටපු රටේ ජනතාවට අනාගතයේදී, බඩගින්නේ ඇඹරීලා නටන නැටුමක් නටා ගැනීමට හැකිවෙයි. ඔය විදිහට පීඩාවෙන් ජීවත් වෙනවට වඩා හොඳයි කොරෝනා හැදිලා මියයන එක කියලා මේ හරක්ට කවදා වැටහෙයිද? අර රටවිරුවෝ කියන රට හරක් ටික උම්බා ගැන සද්දේ දැම්මට පලක් නැහැ. පිටරටවලින් කාලා ඔවුන්ගේ පොහොර ටික ලංකාවට එව්වොත් ඒ හොඳටම ඇති. මේ මහපොළොව සශ්‍රීක කරන්න.

: 0 0

Aris Thursday, 09 April 2020 09:52 AM

මේ 33 දෙනා ඉන්නේ රටවල් 13 කයි. ඔවුන් ගෙන ඒමට ගුවන් යානා 13 ක් අරිනවද? එහෙම නැත්නම් එක යානාවක් ලෝකේ වටේ ගිහින් ඔවුන් එකතු කරන් එනවද?

: 0 60

vidya Thursday, 09 April 2020 06:58 PM

අනේ කරුණාකරලා අර ඉන්දියාවේ හිරවෙලා ඉන්න කෙලි පැටව් ටිකත් ගෙන්වා ගන්න. එම දරුවෝ දුක කියනකොට හව්හරණක් නැති අපේ හදවත් සැලෙනවා .

: 0 6