(සිතුම් චතුරංග)

         

වවුනියාව , පට්ටාන්චූර් ප්‍රදේශයේ මැතිවරණ නීති උල්ලංඝනය කරමින් යතුරුපැදි රැළියක් පැවැත්වූ ශ්‍රී ලංකා පොදුජන පෙරමුණේ අපේක්ෂක හිටපු නියෝජ්‍ය අමාත්‍ය කාදර් මස්තාන් මහතාගේ ආධාරකරුවන් 6 දෙනෙකු යතුරුපැදි සමඟ අත්අඩංගුවට ගත් බව පොලිසිය කියයි.

ප්‍රධාන මාර්ගයන් අවහිර වන පරිදි මෙම පිරිස යතුරුපැදි රැළිය පවත්වා ඇති අතර යතුරු පැදි 8 ක් ද පොලිසිය විසින් අත්අඩංගුවට ගනු ලැබීය.

පොලිසිය විසින් වැටලීම සිදුකළ අවස්ථාවේ යතුරුපැදි රැළියේ නිරතවූ පුද්ගලයින් තිදෙනකු යතුරුපැදි මහමඟ දමා පළා ගොස් ඇති බවත් ඔවුන් අත්අඩංගුවට ගැනීම සඳහා විමර්ශන සිදුකරන බවද පොලිසිය පවසයි.

අත්අඩංගුවට ගත් සැකකරුවන් වවුනියාව, පට්ටාන්චූර් හා මදිනානගර් පදිංචි අවුරුදු 19ත් 24 අතර වයසේ පසුවන්නෝ වෙති.

සැකකරුවන් වවුනියාව මහේස්ත්‍රාත් අධිකරණයට ඉදිරිපත් කිරීමට නියමිත අතර වවුනියාව මූලස්ථාන පොලිසිය වැඩිදුර විමර්ශන සිදුකරයි.