IMG-LOGO

2024 ජුලි මස 19 වන සිකුරාදා


පුංචි මන්ත්‍රීලා තෝරා පත්කළේ ඇඟපතේ ශක්තිය පෙන්වීමටද?

අත්තනගල්ල ප්‍රාදේශීය සභාවේ මාසික රැස්වීමේදී පක්ෂ විපක්ෂ මන්ත්‍රීවරුන් අතර සිදු වූ උණුසුම් වචන හුවමාරුවක් ගුටි බැට හුවමාරුවක් බවට පත්වී විපක්ෂයේ මන්ත්‍රීවරියකට රෝහල්ගත වීමට සිදු වීමේ පුවතක් අප පුවත්පත ඉකුත්දා වාර්තා කළේය. ගැටුමෙන් අනතුරුව සභා ගොඩනැගිල්ලෙන් පිටතට පැමිණි අවස්ථාවේ එහි සභාපති ප්‍රියන්ත පුෂ්පකුමාර මහතාට විපක්ෂයේ මන්ත්‍රීවරයකු පහර දුන් බවට ඒ මහතා නිට්ටඹුව පොලිසියට පැමිණිලි කර ඇති බව ද එම ප්‍රවෘත්තියෙහි වැඩිදුරටත් සඳහන්ය.

ප්‍රකෝපකාරී හැසිරීම්වලට චණ්ඩ ප්‍රචණ්ඩ ක්‍රියාවලට ඉකුත් සමයේ බොහෝ ප්‍රසිද්ධ වූයේ රට හදන තැන හෙවත් පාර්ලිමේන්තුවය. එම ආදර්ශය ගමේ සභාවලටත් බෝ වී ඇති සෙයකි. අත්තනගල්ල ප්‍රාදේශීය සභාවේ විපක්ෂයේ මන්ත්‍රීවරියක වන ක්‍රිෂ්ණා ජයසුන්දර මහත්මියට රෝහල්ගත වීමට සිදු වීමෙන් පැහැදිලි වන්නේ එයය.

මෙයට පෙර වාර්තා වූ තවත් ප්‍රවෘත්තියකින් කියැවුණේ නුවරඑළිය කොත්මලේ කැටඹුලාව ප්‍රාදේශීය කමිටු රැස්වීමේදී ප්‍රාදේශීය දේශපාලනඥයන් දෙදෙනකු අතර ඇති වූ ගුටි බැට හුවමාරුවක් හේතුවෙන් කොත්මලේ ප්‍රාදේශීය සභා මන්ත්‍රීවරයකු රෝහල්ගත කිරීමට සිදු වූ බවය. මෙම ගැටුමේ විශේෂත්වය වන්නේ මන්ත්‍රීවරුන් දෙදෙනාම ශ්‍රී ලංකා පොදුජන පෙරමුණ නියෝජනය කරන්නන් වීමය.

නාවලපිටියේ ක්‍රීඩාංගනයක් සම්බන්ධ ප්‍රශ්නයකට නාවලපිටිය නගර සභවේ පක්ෂ විපක්ෂ මන්ත්‍රීවරුන් මහ පාරේ ගුටි බැට හුවමාරු කරගත් සිද්ධියට දෙතුන් සතියකි.

මහජනතාවට සේවය කිරීමට මෙම දේශපාලනඥයන් සතුව කෙතරම් බලවත් උනන්දුවක් තිබේ ද යන්න මෙම සිදුවීම්වලින් පැහැදිලිය. මරාගෙන මැරෙමින් හෝ ජනතාවට සේවය කිරීමට ඔවුහු පෙළැඹී සිටිති. මෙවන් මහජන නියෝජිතයන් එම ජනතාවට වාසනාවකි. පෙර කළ පින් මහිමයෙන් හැර මෙවන් මහජන නියෝජිතයන්ගේ ඇසුර ලැබීමට හැකි වන්නේ නැත.

මෙයට වසර දහයකට පමණ පෙර පාලකයන් ප්‍රකාශ කළේ ‘ආසියාවේ ආශ්චර්යය’ නිර්මාණය කරන බවය. යහපාලන ආණ්ඩුව සමයේ කියැවුණේ ‘මාස හැටෙන් අලුත් රටක්’ හදන බවය. දැන් කියන්නේ ‘සෞභාග්‍යයේ ඉදිරි දැක්ම’ තිබෙන බවය. පොරොන්දු පත්‍රවල මුද්‍රිත අකුරු ජීවමාන යථාර්ථයක් බවට පත් වී නැත. ඒවා ඉබේටම එසේ වන්නේ ද නැත. ඒ සඳහා සාමූහික මිනිස් ක්‍රියාකාරීත්වයක් ඇවැසිය. ඒ සඳහා පෙරමුණ ගත යුතු වන්නේ මහජන නියෝජිතයන්ය. සමාජයට ආදර්ශ ගලා යන්නේ ඔවුන්ගෙනි. එහෙත් දේශපාලනය යනු බඩ රස්සාවක් යැයි සිතන, එසේ සිතා කටයුතු කරන මදාවියන්ගෙන් මුද්‍රිත අකුරු ජීවමාන යථාර්ථයක් බවට පරිවර්තනය කිරීමේ මෙහෙයුම් ආරම්භ කළ නොහැක.

මහජන නියෝජිතයා නියත වශයෙන්ම ශිෂ්ට විය යුතුය. දැන උගත්කමින් පොහොසත් විය යුතුය. නිහතමානී විය යුතු සේම කාරුණික විය යුතුය. ප්‍රමාණය ඉක්මවා ගිය තරමට අවංක විය යුතුය. එමෙන්ම නීතිගරුක හා යුක්තිගරුක විය යුතුය. මේ සියලු සාර්ධර්ම වැඩෙන්නේ මිනිසකු තුළය. එහෙයින් දේශපාලනඥයා පළමුව මනුස්සයකු විය යුතුය. එයට හේතුව සතුන් තුළ මෙම සාර මනුදම් නොවැඩෙන හෙයිනි.

විවෘත ආර්ථිකයත් සමග අප රට වේගයෙන් වෙනස් වී ගියේය. ඇතැම් වෙනස්කම් යහපත්ය. ඇතැම් ඒවා අයහපත්ය. එසේ අයහපත් ලෙස වෙනස් වූ ක්ෂේත්‍රයක් වන්නේ දේශපාලන ක්ෂේත්‍රය විය. එම වෙනස්කම තුළ පළමුව මෙරට දේශපාලනය තුළ සිටි අවංක මහජන සේවකයා අතුරුදන් වී ගියේය.

විවිධාකාර අපරාධකරුවන්ගෙන්, මං පහරන්නන්ගෙන්, චෞර කප්පිත්තන්ගෙන් මෙරට දේශපාලනය පිරී ගියේය. නඩු වැටුණු ගරු කටයුතු මහජන නියෝජිතයන් කී දෙනකු උත්තරීතර පාර්ලිමේන්තුවේ දෙසිය විසිපස් දෙනා අතර සිටී දැයි සොයා බැලීමෙන් ඉහත කාරණය සනාථ කරගත හැකිය.

දේශපාලනයේ තම ඉලක්කය සපුරා ගැනීමට ඇති පහසුම මග වන්නේ බාහු බලය ප්‍රදර්ශනය කිරීම යැයි ඇතැමෙක් සිතති. තම බාහු බලය පමණක් නොව මැර සේනාංකවල බලය ද ඔවුහු මුදාහරිති. මෙරට මැතිවරණයක් යනු ප්‍රචණ්ඩත්වයේ නිවුන් සොහොයුරා යැයි හඳුනා ගැනීමට සිදු වූ පරිසරයක් නිර්මාණය වූයේ එසේය.

සෑම විනාශයක් තුළම යම් බලාපොරොත්තුවක් ද නිර්මාණය කරයි. ඒ අනුව මුදුනේ දේශපාලනය තුළ ඇති වී තිබෙන විපරීත තත්ත්වය හමුවේ පහළ හෙවත් ගමේ දේශපාලනය තුළ යම් ශීලාචාර බවක් ඇති වේවි යැයි බලාපොරොත්තුවක් විය. එහෙත් එම බලාපොරොත්තුව ද බිඳ වැටෙමින් තිබේ. පුංචි මන්ත්‍රීලාගේ ‘ලොකු වැඩ’ ඒ තත්ත්වය ඇති කර තිබේ. අශීලාචාර හා අනීතික ලෙසත් අවිනීත ලෙසත් හැසිරෙන මේ පුංචි මන්ත්‍රීලාට එරෙහිව ඔවුන් නියෝජනය කරන දේශපාලන පක්ෂවල නායකයන් කටයුතු කරාවි යැයි විශ්වාසයක් තිබිණි. එහෙත් එම විශ්වාසයත් අතීතයට අයත් වූවකි.

(***)



අදහස් (1)

පුංචි මන්ත්‍රීලා තෝරා පත්කළේ ඇඟපතේ ශක්තිය පෙන්වීමටද?

amitha Friday, 29 October 2021 09:05 AM

කට්ටියම දැන් කඩි මුඩියේ ලක ලෑස්ති වන වසරකට රු. බිලියන 100කට වඩා බදු මුදල් ගිල දමන පළාත් සභා ක්‍රමය අපි තරයේ ප්‍රතික්ෂේප කරමු ..!!! රටක් හදන්න නම් රාජ්‍ය නායකයා දැඩි තීන්දු ගත හැකි ප්‍රසිද්ධියේ හෝ හොරෙන් කුණු නොකන, නිර්ව්‍යාජ පුද්ගලයකු විය යුතුයි.

:       0       0

ඔබේ අදහස් එවන්න

කතුවැකිය

සාරධර්ම නායයාමෙන් සමස්ත සමාජය බේරගනිමු
2024 ජුලි මස 19 62 0

රටක සාරධර්ම නාය යෑම යනු එම රටේ ජනයාගේ සාමූහික දිවි පෙවතට අදාළ අධ්‍යාත්මයේ වැහැරීම වේ. ආධ්‍යාත්මය වැහැරී ගිය පසු රැකගැනීමට කිසිවක් ඉතිරි නොවන බව ඒකාන්ත


වරෙන්තු පිට සිටින මන්ත්‍රීට රටේ නීතිය අදාළ නැද්ද?
2024 ජුලි මස 18 165 1

මේ රට ‘සෑම විකෘතියකම ආකෘතියක්’ බව මෙම තීරුවේ කිහිප වරක්ම සඳහන් කර ඇත්තෙමු. අවාසනාවකට මෙන් මෙවරද මෙම තීරුව වෙන් කිරීමට සිදුව තිබෙන්නේ එබඳු විකෘති වෙනුව


විපක්ෂයේ ආණ්‍ඩුවේ මන්ත්‍රීන් දෙදෙනාගේ යෝජනාව අගය කරමු
2024 ජුලි මස 17 629 0

පාර්ලි​මේන්තුවේ ආණ්ඩු පක්ෂ, විපක්ෂ මන්ත්‍රීවරුන් එකම යෝජනාවකට එකඟත්වය පළ කරන්නේ කලාතුරකිනි. එසේ කලාතුරකින් සිදුවන එකඟත්වයක් පසුගියදා පාර්ලිමේන්තු


පුරන් කුඹුරු අස්වද්දන ගොවීන් අමාරුවේ දාන්න එපා
2024 ජුලි මස 15 720 1

වසර 15කට වැඩි කාලයක් පුරන්ව තිබූ මීගොඩ වෙල්යායේ අක්කර 20ක පමණ කුඹුරු යායක් යළි අස්වැද්දීමට ගත් උත්සාහයක් වැළකී ගොස් ඇතැයි එම ප්‍රදේශයේ ගොවීන් ප්‍රකාශ කර


පැනියාවලින් රටට දුන් අගනා ආදර්ශය
2024 ජුලි මස 13 1292 3

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 321 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 145 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 1023 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1897 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site