IMG-LOGO

2025 මැයි මස 09 වන සිකුරාදා


දහනායකගේ ‘තොප්පිය’ ගැලවෙයි

 

 

දොන් විජයානන්ද දහනායකට 1959 සැප්තැම්බර් 26 වැනිදා ලංකාවේ 5 වැනි අගමැති බවට පත්වීමට පින පෑදුණේ කැබිනට් රැස්වීමේදී සී. පී. ද සිල්වා ඇමැතිවරයා පානය කළ කිරි වීදුරුවක් හේතු කොට ගෙන රෝගාතුර වී ප්‍රතිකාර ලබාදීම සඳහා ඔහු බි්‍රතාන්‍යයේ රෝහලකට යැවීමේ සිද්ධිය හේතුකොටගෙන බව බොහෝ දෙනා නොදන්නා කරුණකි.
බණ්ඩාරනායක අගමැතිවරයා 1959 සැප්තැම්බර් 28 වැනිදා නිව්යෝර්ක් හි පැවැත්වෙන එක්සත් ජාතීන්ගේ මහා සමුළුවට සහභාගිවීම සඳහා යාමට සූදානමින් සිටියේය. සභානායක සී. පී. ද සිල්වා ප්‍රතිකාර ලබාගැනීමට ලන්ඩනයට ගොස් සිටි නිසා ඇමැති මණ්ඩලයෙහි අනිකුත් අය පිළිබඳව විශ්වාසයක් නොමැති නිසා ආපසු ලංකාවට පැමිණෙන තෙක් වැඩ බලන අගමැති තනතුර අධ්‍යාපන ඇමැති දහනායකට පවරන ලෙස අගමැති බණ්ඩාරනායක සර් ඔලිවර් ගුණතිලක ආණ්ඩුකාරවරයාට ලිපියක් මගින් දන්වා තිබුණි.
සැලසුම් කළ පරිදි බණ්ඩාරනායක අගමැතිවරයාට නිව්යෝර්ක් ගමන යාමට නොහැකි වූයේ 1959 සැප්තැම්බර් 26 වැනිදා ඔහු වෙඩි තබා ඝාතනය කළ නිසාය. සී. පී. ද සිල්වාට ලැබෙන්නට තිබුණ අගමැතිකම දහනායකට ලැබුණේ මෙසේය. මෙය දහනායක සිහිනෙන්වත් අපේක්ෂා කළ දෙයක් නොවේ.


ඒ වනවිට අධ්‍යාපන ඇමැති වශයෙන් පාසල් ළමයින්ට බනිස් සැපයීම හේතුකොට ගෙන රටපුරා ‘බනිස් මාමා’ යන නමින් හඳුන්වනු ලැබූ රෙද්ද බැනියම ඇන්ද මේ ඉංග්‍රීසි ගුරුවරයා අගමැති වී නොබෝ දිනකින් මහ රෑ කැබිනට් මණ්ඩලයෙන් ප්‍රබල ඇමැතිවරුන් පස් දෙනකු ගෙදර යැව්වේ ඔවුන් බණ්ඩාරනායකට දැමූ සෙල්ලම් තමන්ටද දමන්නට ඉඩ නොදෙමෙනි. ලංකා පාර්ලිමේන්තුවේ පැය 13 හමාරක් තිස්සේ දීර්ඝතම කතාව පැවැත්වූ මන්ත්‍රීවරයා ඔහුය. පාර්ලිමේන්තුවට අමුඩයකින් සැරැසී පැමිණි එකම මන්ත්‍රීවරයාද ඔහුය.


දහනායකට හැදුන දේශපාලන උණ


ඔහුගේ පියා දොන් දියෝනිස් පණ්ඩිත සේපාල දහනායකය. නිවුන් සොහොයුරා දොන් කල්යාණප්‍රිය දහනායකය. ඔහු දොන් විජයානන්ද දහනායකය. ඉංග්‍රීසි ගුරුවරයෙකු වශයෙන් සේවය කරද්දී ‘දේශපාලන උණ’ හැදීම හේතුකොට ගෙන තම නමින් ‘දොන්’ කෑල්ල ගලවා දමා 1939 දී දේශපාලනයට පිවිස මුලින්ම ගාල්ලේ නගරාධිපති තනතුරට පත් වුණේය. (හරියට මහින්ද රාජපක්ෂලා තම නම්වලින් ‘දොන්’ කොටස හැලුවා වගේය) දොන් නම් දොන්, සිමන් නම් සිමන් දොන් සිමන් දෙකම බෑ යයි කියමනක්ද ඇත.
ගාල්ලෙන් ඡන්දයට ඉදිරිපත්වීමට අවකාශ තිබියදී එහි සිට ඉතා දුෂ්කර දුර පළාතක් වූ බිබිලට ගොස් 1944 දී බිබිල ආසනය සඳහා ඔහු ඡන්දයට ඉදිරිපත් විය. ඔහුගේ ප්‍රතිවාදියා වූයේ ඇස්. ඒ. පීරිස් නමැති ධනවත් බස් මුදලාලි කෙනෙකි. බස් මුදලාලිට ඔහු පැරදුණේය. එහෙත් මේ දහනායක ‘සටන’ නැවැත්වූයේ නැත.


බස් මුදලාලිට එරෙහිව ඡන්ද පෙත්සමක් ඉදිරිපත් කළේය. ඔහුම නඩුවට කතා කළේය. නීතිඥ සහායක් ලබා නොගත්තේය. නඩුවෙන් ඔහු දිනුවේය. මුල්වරට රාජ්‍ය සභාවට ඔහු මන්ත්‍රීවරයකු වශයෙන් පත්වුණේ මෙසේය.


ඉතා දුෂ්කර පළාතක් වූ බිබිල ප්‍රදේශය පුරා ඇවිදිමින් ඡන්ද කටයුතුවල නිරතවීම නිසා දහනායක එහිදී රෝගාතුර විය. මදුරුවන්ගෙන් සිදුවුණ පීඩාවන් නිසා ඔහුට උණ රෝගයක් වැලඳුණේය. මෙම රෝගී තත්ත්වය හේතුකොට ගෙන ඒ වනවිට 40 හැවිරිදි වියේ පසුවූ ඔහුගේ හිසකෙස් ගැලවී යන්නට පටන් ගත්තේය. මේ නිසා දහනායක හිස් වැස්මක් (තොප්පියක්) පළඳින්නට පටන් ගත්තේය. මේ හේතුවෙන් ‘තනිකඩ’ දහනායකට අමුතු පෙනුමක් ලැබුණේය. ඔහු මුල්වරට රාජ්‍ය මන්ත්‍රණ සභාවට ඇතුළු වුයේ තොප්පිය දමාගෙනය. තොප්පිය ගලවා එන ලෙස වේත්‍රධාරියා සහ කතානායක ඔහුට නියෝග කළහ. ‘තොප්පි කතාව’ රාජ්‍ය මන්ත්‍රණ සභාව පුරා රැව් පිළිරැව් දුන්නේය. 
රාජ්‍ය මන්ත්‍රණ සභාවේදී මෙසේ තොප්පිය හරස්වීම දහනායකගේ ජීවිතයේ විශේෂ සිද්ධියකි. තොප්පි ප්‍රශ්නය උග්‍රවිය. දහනායක වාදයක පැටලුණේය. අවසානයේදී තොප්පිය ගලවා විසිකර දමා දහනායක අසුන් ගත්තේය.


පිස්තෝල කල්ලිය


මේ රුහුණු පුත්‍රයා තම ජීවිතයේ පරාදයට පත්වූ තවත් අවස්ථාවක් ඇත. 1960 මාර්තු මහ මැතිවරණයට ඔහු විසින් අලුතින් පිහිටුවා ගන්නා ලද ලංකා ප්‍රජාතන්ත්‍රවාදී පක්ෂයෙන් අපේක්ෂකයින් 127 දෙනක් බොහෝ ආසන සඳහා තරග බිමට අවතීර්ණ වූහ. මෙම පක්ෂය බොහෝ අය එදා හැඳින්වූයේ (පිස්තෝල පක්ෂය) වශයෙනි. ඔවුන්ගෙන් ජයග්‍රහණය කළේ අපේක්ෂකයින් 4 දෙනකු පමණකි. එම මැතිවරණයේදී දහනායක ගාල්ල ආසනයෙන්ද පරාජයට පත්විය. ඒ ඡන්ද 483කිනි. තනිකඩ දහනායක 1997 මැයි 4 වැනිදා මියයනවිට ඔහුගේ වයස අවුරුදු 95කි. 


(දීර්ඝ කාලයක් දහනායක ඉතා කිට්ටුවෙන් ඇසුරු කළ, ඔහු අගමැති වූ පසු අරලියගහ මැදුරේද කලක් පදිංචිවී සිටි කලකට පෙර ‘දවස’ ‘රිවිරැස’ පත්‍රවල ප්‍රධාන කර්තෘ ධුරය දැරූ රෝහණ ගමගේ මහතා මා සමඟ පැවැසූ බොහෝ තොරතුරු ඇසුරෙන් මෙම ලිපිය සකස් කළෙමි)

 

සිරී හීන්පැල්ල
ඡායාරූපය අන්තර්ජාලයෙනි



අදහස් (0)

දහනායකගේ ‘තොප්පිය’ ගැලවෙයි

ඔබේ අදහස් එවන්න

 

 
 

Diyatha News

රට රත් කළ ඇඟ බද්ද
2020 මාර්තු මස 28 12497 3

අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්‍ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි


ජේ.ආර්.ගෙන් ඇන්.ඇම්.ට චරිත සහතිකයක්
2020 මාර්තු මස 14 6920 1

මිත්‍රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල


ප්‍රභාකරන්​ගේ පළමු උණ්ඩයට බිලිවූ යාපා පටුනේ පළමු පුරවැසියා
2020 මාර්තු මස 14 14640 1

දෙමළ ඊළාම් විමුක්ති කොටි සංවිධානය (LTTE) විමුක්තිය උද‌ාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි


බත් දුන් පියා නූලෙන් දිවි ගලවා ගත් හැටි
2020 මාර්තු මස 14 15108 4

ලංකාවේ දෙවැනි අගමැති ඔහුය. ඔහුගේ පියා ලංකාවේ ප්‍රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත


ජෝන්ට ඇටවූ මර උගුල්
2020 මාර්තු මස 14 2898 0

කුල භේදය සම්බන්ධයෙන් උගුරට හොරා බෙහෙත් බීමේ ප්‍රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය


මැතිසබය ගෙදර යැවීමේ පුරාණයෙන්
2020 මාර්තු මස 14 486 0

පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්‍ෂ මහතා ජයග්‍රහණය ලැබීමෙන් පසුව මහින්ද රාජපක්‍ෂ මහතා අගමැති ධුරයට පත්කර රජයක් පිහිට


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 78 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1307 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 334 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site