2025 ජුලි මස 09 වන බදාදා
2025 ජුලි මස 09 වන බදාදා
(මීරිගම විශේෂ - පුෂ්පකුමාර මල්ලවආරච්චි)
සැමියාගේ කරදර හිරිහැර නිසා තමන්ගේ දේපළද රැුගෙන නිවසට ඒම අවශ්‍ය බව දැන්වූ තරුණ බිරියක කැඳවාගෙන ඒමට මාපියන් එහි යනවිටදී දෙදෙනා කෙළිදෙලෙන් පසුවූ පුවතක් වයඹ පළාත් ගම්මානකින් ඉකුත් සති අන්තයේදී වාර්තා විය.
වසරකට දෙකකට පෙර විවාහවී ඇය වයඹ පළාතට ගියාය. දෙදෙනා නිතර අඩදබර වෙමින් පවුල් දිවිය ගත කළ අතර හත් අට වතාවක්ම බිරිය මාපිය සෙවන බලා ගියාය. එසේ ගිය සෑම අවස්ථාවකදීම සැමියා ඇය කැඳවාගෙන යාම සිරිතක් විය.
අවසන් අවස්ථාවේ සැමියා සමග පිටත්ව යන අවස්ථාවේ බිරිඳ ආයෙත් මට කරදර කළොත් බඩු මුට්ටුත් අරගන ගෙදර එන බව පැවසුවාය.
මාස කීපයකට පසු බිරිය සිය මවට දුරකථන ඇමතුමක් දෙමින් සැමියා හොඳ හැටි පහර දුන් බවත් ඒ නිසාම යළි ඔහු හා සිටිය නොහැකි බැවින් කැඳවාගෙන යාමට එන ලෙසත් ඉල්ලා සිටියාය.
එමෙන්ම තමන් දෑවැද්දට රැුගෙන ආ දේපළ ආපසු ගෙන යාමට ලොරියක් රැුගෙන එන ලෙසද ඇය මාපියන්ට දැන්වූවාය.
දියණියගේ විලාපය ඇසූ මවුපියන් ඉක්මනින් දුර කතර ගෙවා බෑනාගේ ගෙදරට ගියේ ලූණු ඇඹුල් ඇතිව දෙකක් කියා, දියණිය ගෙදර කැඳවාගෙන එන අදහස ඇතිවය.
ලොරිය මිදුලේ තබා නිවසට යද්දී බෑනා හා දියණිය සතුටින් සිනහවෙමින් හුරතල් වෙමින් සිටිනු දුටු මවුපියන් තුෂ්නිම්භූත වී තම දියණියට හොඳ හැටි බැණ වැදී ලොරියත් සමග ආපසු ගමට ආවේ රුපියල් විසිපන් දහසක් ලොරි කුලිය ලෙස ගෙවමිනිි.
උතුර දකුණ බලාගැනීමට බැරි තරමට ඔවුන්ගේ රතු ඉර පැන තිබිණි.
2025 ජුලි මස 04
190
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
696
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1096
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලොරියත් රැගෙන දුව ගේන්න ගිය මවුපියන්ට තරු පෙනිලා
නලීන් Tuesday, 25 November 2014 01:25 AM
ණයක් තිබෙනවා නම් ගෙවන්නම වෙනවා කියනවනේ! (නි)
කුමාරි Tuesday, 25 November 2014 01:32 PM
සහන්ගේත්,පෙරේරාගේත් අදහස් මම අනුමත කරනවා. හැබැයි ගැහැනියක් මේ හැම දේම විඳ දරා ගන්නා විට සමහර පිරිමි තව තවත් නරුම වෙනවා. එහෙම ගැහැනුන් ඉවත බලා ගත් දවසට පිරිමියාට හිතා ගන්නවත් බැරි වෙනවා. (නදී)
සහන් බණ්ඩාර Tuesday, 25 November 2014 10:10 AM
අමිහිරි ලෙස දිවි ගෙවනා දියණිය යලි ගමට ගන්න...බොහො දුර සිට ආව නමුත් කිරි පැණි සේ සිටියි දෙදෙන.....ගමන් මගට ගොඩක් කාසි ගියත් කුමට කෝප වන්න...දියණියගේ සතුට හැකිද කාසි වලින් මිලට ගන්න..... (දී)
වරුණ Wednesday, 03 December 2014 03:42 AM
කාට කාටත් මේවා හොඳ පාඩම් (නි)
ගමගේ Tuesday, 25 November 2014 02:50 AM
මිනිස් සිත්වල ස්වභාවය තමයි මේ... (නි)
ගජබා Tuesday, 25 November 2014 08:00 AM
අර කියමනක් තියෙනවලු නේද සැමියගෙයි බිරිදගෙයි අඬදබර බත් හැලිය ඉදෙනකම් විතරයි කියල...මොකක්ද දන්නේ නැහැ එ්කේ තේරුම...? (ස)
ධම්ම Tuesday, 25 November 2014 04:28 AM
බැන්දට පස්සේ ඒ දෙන්නාට එයාලගේ ලෝකේ ඉන්න දෙන්න. මේවාට දෙමාපියන් කලබල වෙන්න ඕනෑ නැහැ.(නදී)
සනත් Tuesday, 25 November 2014 04:50 AM
දෑවැද්දට තව ගානක් එකතු කලා බෑනෝ.(අ)
ඇසිලින් Monday, 24 November 2014 07:16 PM
ආදරේ...ආදරේ... ඕකනේ ගමේ කතාවක් තියෙන්නේ කරුවලට පහන නිවලා නිදාගත්තම පාන්දර එළිය වැටෙන්නේ අලුත් දවසකින්. විදුලිය තිබෙන ගෙවල්වල දෙමහල්ලෝ හැමදාම සණ්ඩු සරුවල්.ගමේ එහෙම නැහැ මාමේ. (නි)
ගයාන් Wednesday, 26 November 2014 04:46 AM
දෙන්නා දෙමහල්ලන්ගේ දෙඹර බත් හැලිය ඉදෙනකන් විතරයි කියල කතාවක් තියෙනවනේ (නදී)
ලලිත් Thursday, 27 November 2014 09:28 PM
කොයි නෝනත් ඔහොම තමයි. එක රැයෙන් වැඩේ ෂේප් කරගන්න ඒගොල්ලෝ දන්නවා. ලොරියත් අරන් යන්න තිබුනේ ගෝරිය වෙච්ච දවසේමයි. පහුවදා දුව අරන් ගියානම් මහත්තය පස්සෙන් එනවා නැන්දම්මලගේ ගෙදර. (නදී)
සමන්ති Monday, 24 November 2014 09:34 PM
සමහරු ආදරය වැඩිකමට බිරියට රිදවනවා. (නි)
මහින්ද කේ ගොඩගේ සී ෂෙල්ස් Wednesday, 26 November 2014 01:15 PM
කට්ටියක් බත් හැලි ගැන කතා කරනවා. බොහෝ වෙලාවට දැන් ගෙවල් වල රෑට බත් හැලි ඉදෙන්නේ නෑ. චූන් පාන් කාරයෝ හැම තැනම යනවා. (නදී)
කේ. සිරි Tuesday, 25 November 2014 06:14 PM
මට ආයෙත් කතාවක් මතක්වුණා. ඒ කාලේ ගෙදරක හැමදාම රණ්ඩුලු. දවසක් රණ්ඩුවෙලා පිරිමි කෙනා ගෙදරින් යන්න ගිහිල්ලා. රෑට ඒ ගැහැණුකෙනා ලතෝනි දෙනවලු "බුදු අම්මෝ මේ මිනිහා මට ගහනෝ" කියලා. අහළ පහළ අය ගිහින් බැලුවහම මේ ගැහැණු කෙනා වංගෙඩිය වහළයේ එල්ලලා පද්දලා ඇඟේ වද්දගෙනලු අර විදියට කෑ ගහන්නේ. (නි)
ඉන්ද්‍රා Wednesday, 26 November 2014 01:58 PM
ඔබ දෙපළ මාපියන් වෙන්න හිතනවානම් අනේ ටිකක් හිතන්න අහිංසක කිරිදරුවන්නම් බිල්ලට දෙන්න එපා . (අ)
ශිරෝමි Wednesday, 26 November 2014 07:06 AM
පව් අහිංසක අම්මලා. හැම පැත්තෙන්ම තැලෙනවා. (ර)
පෙරේරා Monday, 24 November 2014 11:32 PM
සමහර ගැහැණු - මිනිසුන්ට ගුටිබැට දෙන , ගුටිකන ඒවායින් පවා සතුට විඳින මානසික තත්වයක් තියනවා! ඒ දෙන්නට ඒවා සතුටක් වුණත් අසරණ දරුවන් ඒවා කොහොම හිතට ගන්නවද? අපේ සමාජයේ ගොඩක් අය හිංසාකාරී මානසික මට්ටමකින් පසුවීම ලොකු ගැටළුවක්. "නවක වදය"ත් මේකේ එක පැතිකඩක් . (නි)
ඉන්දික Tuesday, 25 November 2014 09:21 AM
බැදලා වෙන් උනාම දෙමව්පියෝ මැද්දට පනින්න හොඳ නෑ. (නදී)