(හලාවත ඔගස්ටින් ප්‍රනාන්දු)

අඳුර වැටෙමින් පවතින අවස්ථාවලදී මහමග පයින් ගමන් ගන්නා තරුණියන්ගේ පපු පෙදෙස තදින් මිරිකා පලා යාමට පුරුදුව සිටි තරුණයකු පස්වන තරුණියගේ පපුව මිරිකා පලා යද්දී ප්‍රදේශවාසීන් විසින් අල්ලා පෙරේදා (3) පොලිසියට බාරදුන් බව හලාවත පොලිසිය කියයි.

තරුණිය 21 වියේ පසුවන්නියක වන අතර ඇය පෙරේදා (3) පස්වරු රැකියාවට ගොස් ආපසු ගෙදර යමින් සිටියදී දුරකතන ඇමතුමකට පිළිතුරු දෙමින් ගමන් කරමින් සිට ඇත.

ඒ අතර ඉදිරියෙන් වැනි වැනි තරුණයකු ද පැමිණ ඇති බවත් ඔහු තරුණිය ආසන්නයට පැමිණි සැණින් පැන තරණියගේ පපු පෙදෙස තදින් කිහිප වරක් මිරිකා පලා ගිය අතර වේදනාවට පත් තරුණිය විලාප නගන අතර පැමිණ කාන්තාවක් සිද්ධිය දැක අසල්වාසීන්ගේ සහය ඇතිව පලා යන තරුණයා අල්ලා පොලිසියට බාරදී ඇත.
 
මෙම තරුණයා මෙයට කලින්ද මෙලෙසින්ම මහ මග යමින් සිටි කතුන්ගේ පපු පෙදෙස් මිරිකා පලා ගිය බවට පැමිණිලි රැසක්ම ලැබී ඇති බවත් ඔහු එවැනි ක්‍රියාවක් කර අත්අඩංගුවට ගත් පළමු අවස්ථාව බවත් පොලිසිය කියයි.

සැකකරු ඊයේ (4) හලාවත අධිකරණය වෙත ඉදිරිපත් කිරීමට නියමිතව තිබිණි.

හලාවත මූලස්ථාන ප්‍රධාන පොලිස් පරීක්ෂක වසන්ත හේරත් මහතාගේ උපදෙස් මත සුළු පැමිණිලි අංශයේ උපපොලිස් පරීක්ෂක ජෝතිපාල මහතා පරීක්ෂණ සිදු කරයි.