(ඩි.ජී.සුගතපාල)


රත්ගම පුද්ගලයින් දෙදෙනා පැහැර ගැනිමට පැමිණි බව කියන මෝටර් රථයද මාතර ප්‍රදේශයේ තිබියදි අපරාධ පරික්ෂණ දෙපාර්තමේන්තුවේ නිලධාරින් විසින් අද (27) සවස සොගෙන තිබේ.
 
 
මෙම සුදුපාට ඇල්ටෝ වර්ගයේ මෝටර් රථය මාතර  මාකාවිට මාලගොඩ ප්‍රදේශයේ  ව්‍යාපාරිකයෙකු ළඟ තිබියදි අත් අඩංගුවට ගෙන නඩු භාණ්ඩයක් ලෙස ගාල්ලට ගෙන එන ලදි.
 
පරික්ෂණවලදි අනාවරණයවි ඇත්තේ මෝටර් රථය හිමිකරුගේ මිතුරෙක් වන  මාතර පිහිටි විශේෂ අපරාධ විමර්ශණ ඒකකයේ නිලධාරියෙකු ගමනක් යෑමට බව පවසා ජනවාරි 22දින මෝටර් රථය ඉල්ලාගෙන පැමිණ ඇති බවය.
 
 එසේ ඉල්ලාගෙන 23වනදිනඋදේ පුද්ගලයින් දෙදෙනා පැහැර ගැනිම සඳහා රත්ගමට පැමිණ ආපසු එදිනම දහවල් මෝටර් රථය අයිතිකරුට ගෙනගොස් බාරදි ඇති බවත් අනාවරණයවි තිබේ.
 
 එම පුද්ගලයින් දෙදෙනා නිවෙස්වල සිට පැහැර ගෙනඑන ලද බව කියන කේ.ඩී. එච්.වෑන් රථයද ඔවුන් ඝාතනය කිරිම සඳහා අක්මිමණ ගොනාමුල්ල ප්‍රදේශයේ නිවසට ගෙන ගොස් ඝාතනය කොට මළ සිරුරු වලස්මුල්ල ප්‍රදේශයට ගෙන යාමට යොදාගත් කැබ් රථයද මෙයට පෙර අක්මිමණ ව්‍යාපාරිකයින් දෙදෙනෙකු ලඟ තිබියදි  අත් අඩංගුවට ගෙන ඇත.