(ජේ.කේ.එල් චාමින්ද)
 
ගාල්ල කඩවත්සතර ප්‍රාදේශීය ලේකම් කොට්ඨාශයේ ග්‍රාම නිලධාරි වසම් 5ක  සංචරණ සීමා ලිහිල් කිරීමටත්, අනික් ග්‍රාම නිලධාරි වසම් 3 තුළ දැඩි සංචරණ සීමා පැනවීමටත් අද (18) පස්වරුවේ රැස්වු ගාල්ල දිස්ත්‍රික් කොවිඩ්  මෙහෙයුම් කමිටුව තීරණය කළ බැව්  දකුණු පළාත් සෞඛ්‍ය සේවා අධ්‍යක්ෂක විශේෂඥ වෛද්‍ය චන්දිම සිරිතුංග මහතා පැවසීය.
 
එමෙන්ම වැලිගම සෞඛ්‍ය නිලධාරි කොට්ඨාශයේ ග්‍රාම නිලධාරි වසම් 05ක් සදහා පනවා තිබු සංචරණ සීමා ලිහිල් කිරීමට තීන්දු කළ බවද පළාත් සෞඛ්‍ය සේවා අධ්‍යක්ෂකවරයා වැඩිදුරටත් සදහන් කළේය.
 
දකුණු පළාත් ආණ්ඩුකාර  ආචාර්ය විලිගමගේ මහතාගේ උපදෙස් මත ගාල්ල දිස්ත්‍රික් කොවිඩ් මෙහෙයුම් කමිටුව මගින් මෙම තීන්දුව ගත් බවද හෙතෙම වැඩිදුරටත් සදහන් කළේය.
 
ඒ අනුව තලාපිටිය, කටුගොඩ හා මිලිද්දුව යන ග්‍රාම නිලධාරි වසම් සදහා තවදුරටත් දැඩි සංචරණ සීමා පැනවීමටත්, දංගෙදර නැගෙනහිර, දෙද්දුගොඩ උතුර, දේද්දුගොඩ දකුණ, මකුළුව කොන්ගහ යන ග්‍රාම නිලධාරි වසම් සදහා  සංචරණ සීමා ලිහිල් කිරීමට එහිදී තීරණය කර තිබේ.
 
කොවිඩ් කමිටුව ලබුදුව දක්ෂිණපායේ දි පැවැත්විණි.