IMG-LOGO

2023 ජුනි මස 09 වන සිකුරාදා


ගෝලීය කොරෝනා මරණ මිලියනයක් බව රොයිටර් කියයි

ගෝලීය නව කොරෝනා වයිරස ආසාදිත මරණ ගණන රොයිටර් ගණන් බැලීමට අනුව අද (29) මිලියනය ඉක්මවා ගියේය.

නව කොරෝනා වයිරසය හෙවත් ‘කොවිඩ්-19’ ගෝලීය වයිරස වසංගතය ලොව පුරා පැතිර යෑම ආරම්භ වූයේ චීනයේ හුබෙයි පළාතේ වූහාන් නගරයෙනි. ඒ පසුගිය වසරේ දෙසැම්බර් මාසයේ දී ය.

මෙම ගෝලීය වසංගතය හේතුවෙන් ලෝක ආර්ථිකය දරුණු කඩා වැටීමකට ලක්වුණු අතර සෞඛ්‍ය පද්ධති අර්බුද රැසකට මුහුණ දුන්නේ ය. එපමණක් නොව මිනිසුන් ජීවත්වන ආකාරය සම්පූර්ණයෙන් ම වෙනස් කළේය.

ඉකුත් මාස 10කට ආසන්න කාලයේ දී නව කොරෝනා වයිරසය හේතුවෙන් මියගිය ගණන වසරක දී මැලේරියාව හේතුවෙන් මරණයට පත්වන ගණන මෙන් දෙගුණයකි. එමෙන්ම ඇතැම් රටවලින් වාර්තා වන වයිරස ආසාදිතයන්ගේ ගණන වේගයෙන් වැඩි වීමත් සමඟ පසුගිය සති කිහිපයේ දී නව කොරෝනා වයිරස අනුපාතය ඉහළ ගොස් ඇත.

“අපේ ලෝකය මහත් වේදනාකාරී සන්ධිස්ථානයකට ඇවිල්ලා” යැයි එක්සත් ජාතීන්ගේ මහලේකම් ඇන්තෝනියෝ ගුටරෙස් නිවේදනයක් නිකුත් කරමින් සඳහන් කළේය.

“මේක අපේ ඔළුව අවුල් කරන ගණනක්. එහෙම වුණත් අපි අපේ ජීවිතවල හිටපු මිනිස්සු අමතක නොකළ යුතුයි. ඔවුන් අපේ අම්මලා තාත්තලා, බිරින්ඳෑවරුන් හා ස්වාමිපුරුෂයන්, සහෝදර සහෝදරියන්, හිත මිතුරන්, සමීපතමයන්, ඥාතීන්” යැයි ද හෙතෙම කීය.

නව කොරෝනා වයිරස ආසාදිත මරණ ගණන ලක්ෂ පහේ සිට ලක්ෂ දහය (මිලියනය) දක්වා වාර්තා වීමට ගත වී ඇත්තේ මාස තුනක් පමණි. ඒ අනුව මරණ අනුපාතය වැඩි වීමක් පෙන්නුම් කරන බව සෞඛ්‍ය විශේෂඥයෝ පෙන්වාදෙති. මුල්ම නව කොරෝනා වයිරස ආසාදිත මරණය වාර්තා වූයේ චීනයෙනි. ඒ මේ වසරේ ජනවාරි මස මුලදී ය.

සැප්තැම්බර් මාසයේ දත්ත භාවිත කරමින් රොයිටර් පුවත් සේවය කරන ලද ගණනය කිරීම්වලට අනුව සෑම පැය 24 කදී ම ලොවපුරා 5,400කට වැඩි පිරිසක් නව කොරෝනා වයිරසය ආසාදනය වීමෙන් මරණයට පත්වෙති. එම ගණන සැප්තැම්බර් මාසයේ සාමාන්‍යයකි. මෙලෙස මරණ වැඩිවීමෙන් අවමංගල්‍ය ව්‍යාපාරවලට ද දරා ගැනීමට නොහැකි පීඩනයක් එල්ල වී තිබෙන අතර සුසාන භූමිවල ඉඩකඩ සම්බන්ධයෙන් ගැටලු ඇති වී තිබේ.

රොයිටර් පුවත් සේවයේ ගණනය කිරීම්වලට අනුව පැයකට පුද්ගලයන් 226 දෙනකුත් තත්පරයකට එක් පුද්ගලයකුත් නව කොරෝනා වයිරසය හේතුවෙන් මරණයට පත් වේ. එපමණක් නොව පාපන්දු තරගයක් නැරඹීමට ගතවන මිනිත්තු 90ක කාලය තුළදී සාමාන්‍යයක් ලෙස නව කොරෝනා වයිරසය හේතුවෙන් පුද්ගලයෝ 340 ක් මරණයට පත්වෙති.

 

රොයිටර්

 

055

 



අදහස් (0)

ගෝලීය කොරෝනා මරණ මිලියනයක් බව රොයිටර් කියයි

ඔබේ අදහස් එවන්න

Covid19

කොවිඩ් අවදානම නැවතත්
2023 මැයි මස 01 849 1

කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.


කොවිඩ් මරණ තවත් 5 ක්
2022 අගෝස්තු මස 29 656 1

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.


කොවිඩ් ආසාදිතයන් 114 ක්
2022 අගෝස්තු මස 25 863 0

‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.


කොවිඩ් මරණ තවත් 4 ක්
2022 අගෝස්තු මස 23 731 0

‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (23) පස්වරුවේ තහවුරු කළේය.


පිට පිටම දෙවැනි දිනටත් කොවිඩ් මරණ 5 ක්
2022 අගෝස්තු මස 18 970 0

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (17) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (18) පස්වරුවේ තහවුරු කළේය.


කොවිඩ් ආසාදිතයන් 129 ක්
2022 අගෝස්තු මස 15 878 0

‘කොවිඩ්’ වයිරසය ආසාදිත රෝගීන් 129 දෙනකු අද (15) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.


මේවාටත් කැමතිවනු ඇති

ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි 2023 මැයි මස 29 297 1
ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි

මැයි 23, 2023 - කොළඹ දී. දේශයේ රක්ෂකයා ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා

ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි 2023 මැයි මස 26 1549 2
ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි

ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්

ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය 2023 මැයි මස 23 822 0
ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය

කොළඹ ඩර්ඩන්ස් රෝහලේ අධ්‍යාපනික අංශය වන Amrak වෛද්‍ය විද්‍යා අධ්‍යාපන ආයතනය, පසුගියදා ඕස්ට්‍රේලියාවේ ප්‍රමුඛතම විශ්ව විද්‍යාලයක් වන සිඩ්නි තාක්ෂණ

Our Group Site