ඇමරිකා එක්සත් ජනපදයේ කොරෝනා වයිරසය හේතුවෙන් මියගිය සංඛ්යාව 250,000 පසුකර තිබේ.
ලොවපුරා වැඩිම ආසාදන හා මරණ ඇමරිකාවෙන් වාර්තාවන අතර ජෝන් හොප්කින්ස් විශ්ව විද්යාලයට අනුව අද (19) උදෑසන වනවිට ඇමරිකාවෙන් වාර්තා වන මරණ සංඛ්යාව 256,218කි. මේ වනවිට ඇමරිකාවෙන් කොරෝනා ආසාදිත රෝගීන් මිලියන 11.8ක් වාර්තා වී තිබේ.
ඇමරිකාව පුරා යළිත් දෛනික ආසාදන සීඝ්රයෙන් ඉහළ යෑමට පටන්ගෙන ඇත.
එළඹෙන ශීත කාලගුණයත් සමග රෝගය ව්යාප්ත වීම තවත් වැඩිවිය හැකි බවට එරට වසංගත විද්යා අංශය අනතුරු අඟවා තිබේ.
කොරෝනා පළමු රැල්ලේදී ඇමරිකාවේ වයිරස ව්යාප්තියේ කේන්ද්රස්ථානය වූ නිව්යෝර්ක් නගරයේ නැවතත් ආසාදිතයන් වාර්තාවීම ඉහළ ගොස් ඇතැයි බලධාරීහු පෙන්වා දෙති. ඒ හේතුවෙන් බ්රහස්පතින්දා(20) සිට නගරයේ පාසැල් වසා දැමීමට ද නියෝග කෙරිණ.
ඇමරිකාවේ බෝවන රෝග අංශයේ ප්රධාන වෛද්යවරයෙකු වන ඇන්තනි ෆවුචි මහතා පවසා සිටියේ කොරෝනා සම්බන්ධව මේවනවිට රට ඉතාමත් අස්ථාවර තත්ත්වයකට පත්ව ඇති බවයි. වයිරසය පාලනය සම්බන්ධයෙන් ඇමරිකාව වැරදි දිශාවකට ගමන් කරමින් සිටින බවත් ආසාදිතයන් වැඩිවීම පාලනය කර නොගන්නේ නම් මරණ සංඛ්යාව සීඝ්රයෙන් ඉහළයෑම වලක්වාගත නොහැකි බවත් ඔහු පෙන්වා දෙයි.
"මෙය ඉතා බරපතල තත්ත්වයක්, අප සිටින්නේ ඉතා දුෂ්කර තත්ත්වයක, සෞඛ්ය රීතීන් දැඩිව අනුගමනය කළ යුතුයි, එන්නතකින් උදව් ලැබෙන තුරු තවත් ටික කාලයක් අල්ලාගෙන සිටිය යුතුයි" යනුවෙන් ෆවුචි මහතා පැවසීය.
ඇන්තනි ෆවුචි මහතා මාර්තු මස අග භාගයේදී අනාවැකි පළකරමින් කියා තිබුණේ වයිරසය හේතුවෙන් ඇමරිකාවේ 200,000ක් පමණ මියයෑමට ඉඩ ඇති අතර තවත් මිලියන ගණනකට වයිරසය ආසාදනය වියහැකි බවයි.
(බීබීසී ඇසුරිණි - 085)
පුනරීන් අඩවි වන කාර්යාලයේ නිලධාරීන් දෙදෙනකුට ඒම ප්රදේශයේ පුද්ගලයකු අඩවි වන කාර්යාල භුමියට පැමිණ පොලු මුගුරුවලින් පහරදීම හේතුවෙන් තුවාල ලබා ඒක්
රාජ්ය අංශයේ සේවකයකුගේ වැටුපේ සත්ය අගය (මූර්ත) සියයට තිස් හයකින්ද අවිධිමත් පෞද්ගලික අංශයේ සේවකයකුගේ වැටුපේ සත්ය අගය සියයට විස්සකින් පමණද 2020 - 2024 අතර ක
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
ඇමරිකාවේ කොරෝනා මරණ 250,000 පනී