කොරෝනා වයිරසය ආසාදනය වීමෙන් රෝහල්ගතව ප්‍රතිකාර ලබමින් සිටි ආසාදිතයන් 963දෙනෙකු සුව වූ බව තහවුරු කර රෝහල්වලින් පිටව ගොස් ඇති බව අද(29) වසංගත රෝග විද්‍යා අංශය නිකුත් කළ දෛනික වාර්තාවේ දැක්වේ.

ඒ අනුව, සුවය ලැබූ සමස්ත ආසාදිතයන් ගණන 55,398කි.

ආසාදිතයෝ 5,891දෙනෙක් තවදුරටත් රෝහල්ගතව ප්‍රතිකාර ලබමින් පසුවෙති.

වෛද්‍ය අධීක්ෂණය යටතේ ප්‍රතිකාර ලබන කොරෝනා බවට සැකකටයුතු රෝගීන් ගණන 720කි.

සුවය ලැබූ පිරිස ප්‍රතිශතයක් වශයෙන් 88.4%ක් සහ ආසාදිතයන් ගණන 11.1%ක් බව කෝවිඩ්-19ට එරෙහි ක්‍රියාන්විත මධ්‍යස්ථානය පවසයි.

මේ වනවිට තහවුරු කළ සමස්ත කොරෝනා ආසාදිතයන් ගණන 61,586ක් වන අතර, 297දෙනෙකු මියගොසිනි.

මිය ගිය පිරිසගෙන් 187දෙනෙකු පුරුෂයන් වන අතර, සෙසු 110දෙනා කාන්තාවෝය. එසේම කොරෝනා මරණවලින් 39%ක් වාර්තාවන්නේ, අවුරුදු 61-75 වයස් කාණ්ඩයේය.