(ශාන්ත චන්ද්‍රසිරි)
 
තලවකැලේ, ආගරපතන ප්‍රාදේශීය සභාවේ සභාපතිවරයාට කොවිඩ් වයිරසය ආසාදිතව ඇති බවට හඳුනාගෙන ඇතැයි ලිඳුල සෞඛ්‍ය වෛද්‍ය නිලධාරී ජනත් අබේගුණරත්න මහතා පැවැසීය.
 
ආගරපතන, ඇල්බියන් වත්තේ තෝන්ෆීල්ඩ් කොටසේ මංගල උත්සවයකට පැමිණි පුද්ගලයෙකුට කොවිඩ් වයිරසය ආසාදිතව ඇති බවට මීට පෙර හඳුනාගෙන ඇති අතර එම මංගල උත්සවයට  මෙම සභාපතිවරයාද සහභාගිවී තිබිණි. මේ හේතුවෙන් ඔහුට කරන ලද  පී. සී. ආර්. පරීක්ෂණයේදී කොවිඩ් ආසාදිතව ඇති බවට සෞඛ්‍ය අංශ විසින් තහවුරු කරගෙන තිබේ.
 
මෙම සභාපතිවරයා මැති ඇමැතිවරු හා ප්‍රාදේශීය දේශපාලඥයන් සහභාගි වු ප්‍රධාන දේශපාලන රැස්වීම් කීපයකටද ගොස් ඇති බවට තොරතුරු අනාවරණය වී ඇති බවත්, සභාපතිවරයා පසුගිය දිනවල ගොස් ඇති ස්ථාන හා සමීප සබඳතා පැවැත් වු පිරිස් සොයා විශේෂ විමර්ශනයක් මේ වනවිට සිදු කරමින් පවතින බවත් සෞඛ්‍ය වෛද්‍ය නිලධාරීවරයා කීය.
 
කොවිඩ් ආසාදිත සභාපතිවරයා කොව්ඩ් ප්‍රතිකාර මධ්‍යස්ථානයකට යොමු කිරීමට අද  (21) පියවර ගෙන ඇති බවද ලිඳුල සෞඛ්‍ය වෛද්‍ය නිලධාරී ජනත් අබේගුණරත්න මහතා වැඩිදුරටත් පැවැසීය.