(එස්.ඩී. කොඩිකාර)

මෙතෙක්  නිරෝධාන මධ්‍යස්ථානයක් ලෙස පැවති අකුරැස්ස, විල්පිට නිල්වලා ජාතික විද්‍යාපීඨය ඉදිරියේදී කොවිඩ් ප්‍රතිකාර මධ්‍යස්ථානය බවට පත් කිරීමට සැලසුම් කර ඇතැයි  සෞඛ්‍ය අංශ පවසයි.

මේ හේතුවෙන් එහි නිරෝධායනය වෙමින් සිටි 310 දෙනෙකු නිරෝධාන කාලය අවසන් කර  නිවෙස් බලා පිටත් කර හැරීමට යුද හමුදාව  අද (01) කටයුතු කර තිබුණි. එම පිරිසගේ පී.සී.ආර් .පරීක්ෂණ ඉකුත් (28) වන දින කළ අතර ඔවුන්ගෙන් 17 දෙනෙකු කොවිඩ් ආසාදිතයන් බව එම වාර්තා වලින් ඊයේ  (31)  තහවුරු වී ඇත. ඔවුන් ප්‍රතිකාර සඳහා රෝහල් සදහා යැවීමට යුද හමුදාව ක්‍රියා කර තිබූ බව අතුරලිය සෞඛ්‍ය වෛද්‍ය නිලධාරී කාර්යාලය පවසයි.

නිල්වලා විද්‍යාපීඨය නිරෝධාන මධ්‍යස්ථානයක් බවට ඉකුත් (09) වන දින යුද හමුදාව පාලනය යටතේ  පත් කර තිබූ අතර එහි රෝගීන් 500 කු සඳහා පහසුකම් සලසා තිබුණි. නිරෝධානය වෙමින් සිටි පුද්ගලයන් එයින් පිටව යාමෙන් අනතුරුව  හෙට (02) සිට සම්පූර්ණයෙන්ම එම මධ්‍යස්ථානය විසබීජහරණය කර දින 3 ට පසුව නැවත විසබීජහරණය කරන බව ද අතුරලිය සෞඛ්‍ය වෛද්‍ය නිලධාරී කාර්යාලය පවසයි.