IMG-LOGO

2024 පෙබරවාරි මස 21 වන බදාදා


රට හැකි ඉක්මනින් යථා තත්ත්වයට ගනිමු

හරියටම වසරකට පෙර මාර්තු මාසයේ මැද මේ සතිය අප ගෙවූ අවසන් සාමාන්‍ය සතිය විය. එහෙත් ඒ බව අපි කිසිවකුත් දැන නොසිටියෙමු. ලොවේ බොහොමයක් රටවල තත්ත්වය ද එසේම විය. එම සතියෙන් පසුව කොරෝනා වසංගතයේ කඩතුරාවෙන් මුළු රටම වැසී ගියේය. වසරක කාලය ඇති කළ වෙනසක අරුමයේ ප්‍රතිඵල අපි දැන් විඳිමින් සිටින්නෙමු. ඒ නව බලාපොරොත්තු රැසක් පොදි බැඳ ගනිමිනි.

කොරෝනා වයිරසයේ බලපෑම හේතුවෙන් සම්පූර්ණයෙන්ම පාහේ අකර්මණ්‍ය වූ පාසල් පද්ධතිය යළි ක්‍රියාත්මක වීමට සියලු‍ සැකැසුම් සිදුවෙමින් තිබේ. ඒ අනුව බස්නාහිර පළාත හැර සෙසු පළාත්වල සියලු‍ පාසල් ලබන 15 වැනිදා සිට යළි ආරම්භ වෙයි. බස්නාහිර පළාතේ ද 5, 11-13 ශ්‍රේණිවල පන්ති ද එදිනම යළි ආරම්භ කිරීමට තීරණය කර ඇත.

ඒ අනුව පසුගිය වසරේ මේ කාලයට වඩා දැන් පවතින්නේ අප කාටත් සතුටු විය හැකි තත්ත්වයක් බව පැහැදිලිය. කොරෝනා වසංගතය හේතුවෙන් ලොව පුරාම පාසල් අධ්‍යාපනයට සිදු වූයේ බරපතළ හානියකි. එම හානිය අවම කරගැනීම සඳහා අප රටේ ද විවිධ ක්‍රියාමාර්ග ගැනීම නිසා පාසල් අධ්‍යාපනය සම්පූර්ණයෙන් කඩාකප්පල් වීම වැළැකී ගියේය. ඒ සමඟ පළමු සහ දෙවැනි කොරෝනා රැලි අතරමගදී අපොස උ.පෙළ විභාගය පවත්වා අවසන් කිරීමට හැකි වූ අතර දෙවැනි රැල්ල තරමක් දුරකට පාලනය කරගැනීමෙන් පසුව අ.පො.ස. සා.පෙළ විභාගය ද පවත්වා අවසන් කරගැනීමට අධ්‍යාපන බලධාරීහු සමත් වූහ. උසස් පෙළ විභාග ප්‍රතිඵල අප්‍රේල් මාසයේදී ද සාමාන්‍ය පෙළ විභාග ප්‍රතිඵල ජුනි මාසයේ ද නිකුත් කිරීමට සැලසුම් කර තිබේ. ඒ අනුව කටයුතු සිදුවුවහොත් තව සති කිහිපයකදී පාසල් අධ්‍යාපනය සාමාන්‍ය තත්ත්වයට පත්වනු ඇතැයි අනුමාන කළ හැකිය. විශ්වවිද්‍යාල ඇතුළු උසස් අධ්‍යාපන කටයුතු ද ඔන්ලයින් සේවා පහසුකම් භාවිතයෙන් සහ වෙනත් ක්‍රමවේද යොදාගනිමින් හැකි තරම් දුරකට කරගෙන යන බව ද ඒ සමඟ සඳහන් කළ යුතුය.

අධ්‍යාපන කටයුතු පමණක් නොව සංස්ථා හා මණ්ඩල ද ඇතුළුව රාජ්‍ය සේවයේ නිවෙස්වල සිට සේවා සැපැයූ කාලය ද මේ සතියෙන් අවසන් කෙරෙන බව රාජ්‍ය පරිපාලන අමාත්‍යාංශ චක්‍රලේඛයක් මගින් දැනුම් දී තිබේ. රාජ්‍ය සේවය ද වසරක් තිස්සේ පවත්වාගනු ලැබුවේ සීමිත නිලධාරි සහ සේවක සංඛ්‍යාවක් සහභාගි කරගැනීමෙනි. කාර්ය මණ්ඩල පිරිස් ආයතනවල සේවයට ගෙන්වා ගනු ලැබුවේ කොටස් වශයෙනි. බොහෝදෙනකු සේවය කළේ නිවෙස්වල සිටිමිනි. රාජ්‍ය සේවයට තවදුරටත් එම පහසුකම නොලැබෙනු ඇත. රජයේ කාර්යාල මගින් සැපැයෙන සේවාවල අඩුපාඩුකම් මගහරවා ගැනීමට මේ තීන්දුව ගනු ලැබූ බව ද සඳහන්ය. එම තීන්දුව මගින් ද පෙන්වා දෙන්නේ වසරකට පසුව රට ක්‍රම ක්‍රමයෙන් යථා තත්ත්වයට පත්වෙමින් සිටින බවය. එසේම පෞද්ගලික අංශයේ සහ ව්‍යාපාරික ක්ෂේත්‍රයේ ද පවතින වර්තමාන තත්ත්වය ද එය තවදුරටත් සහතික කර තිබේ.

පොදු ගමනාගමන සේවා ද ක්‍රමානුකූලව වර්ධනය වෙමින් පවතින බව බැලූ බැල්මට පෙනී යයි. තදබද අවස්ථාවලදී බස් රථවල සෞඛ්‍ය නීති රීති සැලකිල්ලට නොගන්නා බව ද ඒ සමඟ පෙනෙන්නට තිබේ. එය යහපත් ප්‍රවණතාවක් නොවන බව ද පෙන්වා දිය යුතුය. සෑම අවස්ථාවකදීම වසරක් තිස්සේ පුරුදු පුහුණු කරගත් සෞඛ්‍යාරක්ෂක නීති රීති පිළිපැදීමට සියලු‍දෙනාගේම කැපවීමක් අවශ්‍යය. එම පුරුදු අත්හැරීම සියලු‍ දේ සාමාන්‍ය තත්ත්වයට පත්වීම තවදුරටත් ප්‍රමාද කරනු ඇත. එහි අවාසිය ඇත්තේ ද සාමාන්‍ය ජනතාවටමය.

රට සාමාන්‍ය තත්ත්වයට පත් කිරීම සඳහා එන්නත්කරණ ක්‍රියාවලිය ද අඛණ්ඩව ක්‍රමානුකූල ලෙස ක්‍රියාත්මක වීම ද අවශ්‍යය. එන්නත රටේ ජනතාව තුළ ඇති බලාපොරොත්තු විශාල ලෙස ඉහළ නංවා ඇති බව ඒ සඳහා මහජනතාව තුළ පවතින දැඩි උනන්දුව පෙන්වා දෙයි. එන්නත අපේ රටේ පමණක් නොව ලොවේ සියලු‍ම රටවල උනන්දුව ඒ ආකාරයටම ඉහළ නංවා තිබෙන බව ද පැහැදිලිය. එහෙත් එන්නත දෙස බලාගෙන සියලු‍ සෞඛ්‍යාරක්ෂක නීති රීති අතහැර දැමීමත් ඒ කෙරෙහි සැලකිල්ලක් නොදැක්වීමත් කොරෝනා වයිරසය තවදුරටත් ව්‍යාප්ත වීමට හේතු වන බව නිතර සිහියේ රඳවා තබාගැනීම අවශ්‍යය. නැතහොත් මේ සියලු‍ උත්සාහයන් ගඟට කැපූ ඉනි මෙන් ප්‍රතිඵල රහිත ව්‍යායාමයක් පමණක් වනු ඇත.

කොරෝනා වසංගතය ලොවටම උගැන්වූ පාඩම් බොහොමයකි. ඒවා අප රටට ද අදාළය. එසේම මුළු ලොවම එකම අරමුණක් කරා යොමුවී එය සාර්ථක කරගත් අවස්ථාවක් වශයෙන් ද කොරෝනා එන්නත සොයා ගැනීම දැක්වෙයි. එය මානව සංහතියේම විශිෂ්ට ජයග්‍රහණයක් වශයෙන් ද සැලකෙයි. අපේ රට කොරෝනා වසංගතයේ අඳුරු කඩතුරාව ටිකෙන් ටික ඉවත් කරගනිමින් සාමාන්‍ය ජීවිතයට හුරුපුරුදු වෙද්දී පසුගිය වසරක කාලය තුළ උගත් පාඩම් අමතක නොකළ යුතු බව ද සිහියේ තබාගත යුතුය. රට දිගින් දිගටම වසාගෙන කටයුතු කළ නොහැක. එහි ආදීනව අපි සියලු‍දෙනා වින්දෙමු. යළිත් එවැනි තත්ත්වයකට රට ගොදුරු නොවීමට නම් අපි අපේ යුතුකම් සහ වගකීම් නිසි ලෙස ඉටුකළ යුතු වෙමු.

(***)



අදහස් (0)

රට හැකි ඉක්මනින් යථා තත්ත්වයට ගනිමු

ඔබේ අදහස් එවන්න

විශේෂාංග

සත්‍යයට පිටුපෑමේ විපාකය
2024 පෙබරවාරි මස 21 921 1

එක්සත් ජාතීන්ගේ ආහාර හා කෘෂිකර්ම සංවිධානයේ 37 වැනි ආසියා පැසිෆික් කලාපීය සමුළුව පෙබරවාරි 20 වැනිදා (ඊයේ) කොළඹ හිල්ටන් හෝටලයේදී ආරම්භ වූ අතර එය 22 වැනිදා දක


දරුවා පාසලට යැව්වාටම මදි නිරන්තර විමසිල්ලක් ඕනෑ
2024 පෙබරවාරි මස 21 131 0

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර


දුප්පතාට අතදෙන අත්වැලක්
2024 පෙබරවාරි මස 20 135 0

ශ්‍රී ලංකාවේ වත්මන් ආර්ථික අර්බුදය හමුවේ දැඩි ලෙස පීඩනයට පත් කණ්ඩායම ලෙස අඩු ආදායම්ලාභීන් නම් කළ හැකිය. ආදායම් මාර්ග ඇහිරී යාම, දෛනික වියදම වැඩි වීම, ඔව


තෙල් සමාගමේ හොරුන් දඬුකඳේ ගහන්න ඕනෑ
2024 පෙබරවාරි මස 20 760 2

සාමාන්‍යයෙන් අමාත්‍යවරයකු විසින් තම අමාත්‍යාංශයේ සිදුවන දූෂිත හෝ වංචනික ක්‍රියාවක් සම්බන්ධයෙන් හෙළිදරව් කරනු ලබන්නේ කලාතුරකිනි. එසේ කලාතුරකින් වන


විධායකය අහෝසි කතා උප්පරවැට්ටියක්
2024 පෙබරවාරි මස 19 248 0

ණය ප්‍රතිව්‍යුහගතකරණ සාකච්ඡා, ඉදිරි ජනාධිපතිවරණය, ජාතිකවාදී දේශපාලන කඳවුරේ අනාගතය ආදී කාලීන ආර්ථික හා දේශපාලනික තේමා රැසක් ප්‍රශ්න කරමින් පිවිතුරු


ගොවි ගැටලුවලට සැබෑ විසඳුමක් ඕනෑ
2024 පෙබරවාරි මස 19 148 0

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. ම


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 150 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 220 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 248 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site