IMG-LOGO watawala

2024 මැයි මස 21 වන අඟහරුවාදා


ගුරුවරයා බේබද්දකු නම් සමාජය යහපත් වෙයිද

පොළොන්නරුව වැලිකන්ද  ප්‍රාථමික විද්‍යාලයේ විදුහල්පතිවරයා දිනපතා බීමත්ව පාසලට පැමිණෙන බවට  චෝදනා කරමින් මවුපියන් පිරිසක් පාසල ඉදිරිපිට විරෝධතාවක නියැළුණ බවට සඳහන්  පුවතක් අප පුවත්පත ඉකුත් දා වාර්තා කළේය. ගුරු නිවාසයක් සම්බන්ධ ගැටලුවක්  දුරදිග යාමෙන් අදාළ විදුහල්පතිවරයා හා අවට පාසලක ගුරුවරයකු පාසල තුළදීම  ගුටිබැට හුවමාරු කරගෙන ඇති බවත් පොලිසිය මැදිහත් වී දෙදෙනාම රෝහල්ගත කළ  බවත් සඳහන් කරන අප ප්‍රවෘත්තියේ වැඩිදුරටත් සඳහන් වූයේ විදුහල් බිමේ  වැසිකිළියක දමා තිබූ හිස් අරක්කු බෝතල් තොගයක් ද උද්ඝෝෂකයන් විසින්  ප්‍රදර්ශනය කරන ලද බවය.

විදුහල්පති යනු විදුහලට අධිපති වන හෙයින්  විදුහල් බිම තුළ තමන්ට ඇවැසි දෙයක් කළ හැකි යැයි මෙම අමන විදුහල්පතිවරයා  සිතුවා විය හැකිය. මවුපියන්ගෙන් පසුව දරුවාගේ ජීවිතයට ආදරයත්, ජීවනයත්,  දැනුමත් රැගෙන එන පුද්ගලයා ගුරුවරයාය. එවන් බුහුමනකින් පිදුම් ලබන  වෘත්තියකට පිවිස එම වෘත්තියට නොව අවම මිනිසත්කමටවත් තරම් නොවන නිහීන  හැසිරීමක් ප්‍රදර්ශනය කරන මෙම විදුහල්පතිවරයාගේ ක්‍රියා කලාපය බලවත්  පිළිකුලෙන් යුතුව හෙළා දැකිය යුතුය.

‘ගු’ යන්නෙන් අර්ථවත් වන්නේ  නොදැනීම නමැති අන්ධකාරය වේ. ‘රු’ යනු දුරු කිරීමය. ඒ අනුව ගුරුවරයා යනු  නොදැනීම නමැති අන්ධකාරය දුරු කරන්නා වේ. නිරුක්ති විද්‍යාවට අනුව එසේ නියත  විවරණ ලබන ගුරුවරයකු වෙතින් කොතරම් ප්‍රශංසනීය හා අගනා වටිනා ආදර්ශ  ප්‍රදර්ශනය විය යුතුද යන්න වටහා ගැනීම අසීරු නැත. එහෙත් දිනපතා බීමත්ව  විකල් වූ මනසින් හා බමන හිසින් යුතුව පාසලට පැමිණෙන අමනයකුට එය වටහා ගැනීමට  අසීරුය. මේ බේබද්ද වෙනුවෙන් අනුකම්පා කළ යුතු වන්නේ එහෙයිනි.

මිනිසා  නොහදා රට හදන්නට බැරි බව ඒකාන්ත සත්‍යයකි. මිනිසා හැදීම ආරම්භ කළ  යුතු වන්නේ දරුවාගෙනි. දරුවා හැදෙන්නේ තමන් අත්විඳින ස්පර්ශ කරන ආදර්ශ  මතිනි. බීමත්ව පාසලට පැමිණෙන, එසේ පැමිණ පිස්සු නටන විදුහල්පතිවරයකුගෙන්  දරුවා ලබන ආදර්ශ මොනවාද? මෙබඳු විදුහල්පතිවරුන් මිනිස් කසළ මෙන් පිටුදැකිය  යුතු වන්නේ එහෙයිනි. කෙවිටෙන් තලා පිටමන් කළ යුතු වන්නේ එහෙයිනි.

අදාළ  විදුහල්පතිවරයා සම්බන්ධයෙන් අප පුවත්පත වැලිකන්ද කොට්ඨාස අධ්‍යාපන  අධ්‍යක්ෂ ඩී.ආර්.ඒ.එල්. සුඛිත් රණසිංහ මහතාගෙන් විමසූවිට ඒ මහතා ප්‍රකාශ  කර තිබුණේ විදුහල්පතිවරයා සම්බන්ධයෙන් මීට පෙරද විවිධ වැරැදි සම්බන්ධ  චෝදනා තිබෙන බවත් ඔහු වහාම ක්‍රියාත්මකවන පරිදි මාරු කිරීමට ක්‍රියා කරන  බවත්ය. වරදට දඬුවම ලෙස නිර්දේශ වන්නේ ස්ථාන මාරුවක් පමණක් නම් ඒ  සම්බන්ධයෙන් තෘප්තිමත්වීමට එළැඹගත් සිහියෙන් යුතු කිසිදු පුරවැසියකුට  හැකියාවක් නැතැයි අපි සිතමු. විශේෂයෙන්ම ජාතියේ දූපුතුන්ගේ ඉරණමත් සමග සූදු  කෙළියක යෙදෙන මෙබඳු පුද්ගලයන්ට සෙස්සන්ට ද ආදර්ශයක් වන ආකාරයේ ප්‍රමාණවත්  දඬුවමක් ලැබිය යුතුය.

මතින් තොර රටක් වෙනුවෙන් මුළු මහත් ජාතියම  ඒකාත්මික කෙරෙන බක්මහ දිවුරුම ජනපති අගමැති ප්‍රධානත්වයෙන් සිදුවූයේ ගෙවුණු  සතියේදීය. මත්ද්‍රව්‍ය පිටුදැකීමේ මහා සංග්‍රාමය පොලිසියේ, ත්‍රිවිධ  හමුදාවේ හා නීතිය හා සාමය ආරක්ෂා කිරීමේ අමාත්‍යාංශයේ පමණක් වගකීමක් නොවන  බවත් එයම සමාජයේ සියලුම දෙනා තරාතිරම් බේදයකින් තොරව ඒකාත්මික කිරීම එම  බක්මහ දිවුරුමේ අරමුණ විය.

ගංවතුරක් මෙන් ගලායන මත් උවදුර මැඬලීම  සඳහා එබඳු යෝධ ප්‍රාණවත් මෙහෙයුමක් ඇවැසිය. එහිදී පාසලට පැවරෙන්නේ ඉහළම  වගකීමකි. පාසල එම වගකීම නිසි රිසි ලෙස ඉටු කිරිමට සමත් විය යුතුය. නැණවත්  මෙන්ම ගුණවත් පුරවැසියන් බිහි කිරීම පාසලක අනුල්ලංඝනීය වගකීමකි. රට මතින්  තොර කලාපයක් බවට පත් කළ හැකිවන්නේ එමඟිනි.

දිනපතා බීමත්ව පාසලට  පැමිණෙන විදුහල්පතිවරයකුගෙන් එම වගකීම ඉටු නොවන බව ඒකාන්ත සත්‍යයකි. පාසලේ  විනෝද චාරිකාවකට එක්වූ පාසල් දරුවන්ගේ පොත් බෑගය පරීක්ෂා කිරීමේදී මත්පැන්  බෝතල් තිබී හමුවීමේ පුවත් පසුගිය දිනවල සුලබ විය. බීමත්ව පන්ති කාමරවල  පිස්සු නැටූ දරුවන් සම්බන්ධයෙන් ද වාර්තා විය. පාසලේ ආපන ශාලාවේම කසිප්පු  පෙරීමේ සිද්ධියක් වාර්තා වූයේ මෙයට දෙතුන් මසකට ඉහතදීය. තත්ත්වය බැරැරුම්  බව ඉතා පැහැදිලිය. එහෙයින් මතින් තොර රටක් නිර්මාණය කිරීමේ මෙහෙයුමේ කිසිදු  තැනක හිල් තිබිය යුතු නැත. දිනපතා බීමත්ව පාසලට එන විදුහල්පතිවරයා  සම්බන්ධයෙන් විශේෂ අවධානය යොමු කළ යුතු වන්නේ එහෙයිනි.



අදහස් (5)

ගුරුවරයා බේබද්දකු නම් සමාජය යහපත් වෙයිද

nimal perera Thursday, 11 April 2019 10:14 AM

ඉතාමත් කණගාටු දෙයක් . මිනිසුන් අදහස් නොපැමිණීමත් පුදුමනේ මේ වගේ දේවලට. දේශපාලන වගේ නෙවෙයිනේ

:       0       23

Chandima Thursday, 11 April 2019 11:08 AM

හැබැයි එකක් දැන ගන්න. අපේ රටේ විශ්ව විද්‍යාල ආචාර්ය වරු බොහෝ දෙනෙක් හොඳට මත් පැන් බොන අය විත්තිය.

:       1       34

hesa Thursday, 11 April 2019 02:15 PM

වෙන්නැති, නමුත් රාජකාරිය වෙලාවේදී බිමත්ව එනවා නම් හෝ ඉන්නවා නම් , එයයි නේද වැරදි. මොකද අධ්‍යාපනයට අයත් නිලධාරීන් මට හිතෙන්නේ වැඩි දෙනෙක්ට ඒ පුරුද්ද ඇති, අනිකුත් රජයේ නිලධාරීන් මෙන්ම.

:       0       25

sana Wednesday, 17 April 2019 06:36 AM

‍රැකියාව කරන ගමන් බීමත්ව ඉන්න එක වැරදියි. ඒත් ඒ ගැන පැමිණිලි කරලා නැද්ද හා ඒ ගැන විභාග කරලා නැද්ද කියලත් ප්‍රශ්නයක් තිබෙනවා. හුදෙක් ස්ථාන මාරුව චෝදනා නිසා පරීක්ෂණ කරන්නද නැත්නම් වෙනත් හේතුවක් නිසාද කියලා ලිපිකරුට අහන්න තිබ්බා. ඒ වගේම මේ විදුහල්පතිගෙනුත් විස්තරාත්මකව විමසන්න තිබ්බා. අනෙක වාග් විද්‍යාත්මකව ගුරු කියන එක එහෙම නම් බේබද්දා කියන්නේ මොකක්ද?

:       0       0

sarath Thursday, 18 April 2019 03:47 AM

වත්මන් අධ්‍යාපන ඇමති යටතේ මහනුවර ජාතික පාසල් දේශපාලනීකරණය වෙමින් පවතී. ඔහු මහනුවර ධර්මරාජ විදුහලට කුරුණෑගලින් ඔහුගේ කුලී හේවායින් 40ක් පමණ කම්කරුවන් ලෙස බලෙන් ඇතුළුකර තිබේ. මේ ආකාරයෙන්ම අනෙකුත් ජාතික පාසල් වලටද කුරුණෑගලින් තමන්ගේ හෙන්චයියන් ඇතුල් කර තිබේ. දැන් මේ අතිරික්ත වැඩක් නොකරන සේවකයින් රැකබලා ගැනීමට සිදුව තිබෙන්නේ පාසල් ප්‍රතිපාදන වලිනි. ලංගම, දුම්රිය, ලංවීම... තෙල්, මෙකී නොකී සියලුම රජයේ ආයතන විනාශකර දැන් පාසල් පද්ධතියටද අත ගසා තිබේ.

:       0       0

ඔබේ අදහස් එවන්න

කතුවැකිය

රේගුවේ ආදායම් අවභාවිතාව
2024 මැයි මස 20 351 0

ශ්‍රී ලංකා රේගුව රටට ආදායම් ගෙන එන ප්‍රධානම රාජ්‍ය දෙපාර්තමේන්තුවකි. රේගුවේ මාධ්‍ය ප්‍රකාශක සීවලී අරුක්ගොඩ මහතා මේ වර්ෂය ආරම්භයේදී ප්‍රකාශ කර තිබුණේ


පාසල් දරුවන්ගේ උදේ ආහාරය සුළුවට නොතකමු
2024 මැයි මස 18 206 0

සකල සිරින් පිරි ශ්‍රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක ම


ගුවන්තොටේ අසංවර වූ දේශපාලකට දඬුවම් නැද්ද?
2024 මැයි මස 17 667 5

ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්‍රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදු


අනුරපුර සිද්ධියෙන් කියැවුණේ සමාජයේ සදාචාර පිරිහීමක්
2024 මැයි මස 16 1180 2

“විනයෝ නාම ශාසනස්ස ආයු” යනුවෙන් බුදුපියාණෝ වදාළහ. එහි අර්ථය නම්, “ශාසනය පවතින්නේ විනය පවතින තුරු” යන්නය. මෙම අර්ථය සමාජයේ සෑම ක්ෂේත්‍රයකටම අදාළව මැනවි


මන්ත්‍රීන් වගකීම පැහැර හැරීම තනතුර බාල්දු කිරීමක්
2024 මැයි මස 15 164 0

පාර්ලිමේන්තුව වරින් වර රටේ ප්‍රධාන මාතෘකාවක් බවට පත්වෙයි. හොඳ සහ නරක මාතෘකා දෙවර්ගයම සම්බන්ධයෙන් පාර්ලිමේන්තුව ජනතාවගේ විමසුමට ලක්වුණත් බොහොමයක් අ


වරප්‍රසාද ආශාවට කෙරෙන ගැසට් සංස්කෘතියට තිත තබමු
2024 මැයි මස 14 144 0

ශ්‍රී ලංකාවේ අමාත්‍ය මණ්‍ඩලය විවිධ මට්ටමේ වාර්තා තැබීම් අතින් කැපීපෙනෙයි. එහෙත් මේ ඇතැම් වාර්තා හොඳ මට්ටමේ නොව නරක මට්ටමේ ඒවා වීම ඛේදවාචකයකි. එයින් එ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 839 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2381 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2042 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site