එසැණ පුවත්

කොරෝනා ප්‍රතිකාරයක් යැයි සිතා ඇල්කොහොල් පානය කළ ඉරානයේ 600 ක් මරුට

කොරෝනා වයිරසය ආසාදනයට ප්‍රතිකාරයක් ලෙස වැරදි වැටහීමකින් අධිසාන්ද්‍ර ඇල්කොහොල් පානය කළ ඉරානයේ පුද්ගලයින් 600 කට අධික සංඛ්‍යාවක් මරණයට පත්වී තිබේ.

08 April 2020

ඇමරිකාව ලෝක සෞඛ්‍ය සංවිධානයට දෙන ආධාර කපාහරී

ලෝක සෞඛ්‍ය සංවිධානයට ඇමරිකාවේ මුදල් නොදෙන බවත් මෙතෙක් කරන ලද මූල්‍ය පරිත්‍යාග කපාහරින බවටත් ඇමෙරිකා එක්සත් ජනපදයේ ජනාධිපති ඩොනල්ඩ් ට්‍රම්ප් මහතා අනතුරු අඟවයි.

08 April 2020

පැය 12 කින් දිවයිනේ ඕනෑම තැනකට එළවළු

රටපුරා එළවළු බෙදාහැරීමේ නව ක්‍රමවේදය යටතේ පැය 12 ක පමණ කාලයක් ඇතුළත දිවයිනේ ඕනෑම ප්‍රාදේශිය ලේකම් කාර්යාලයක් වෙත දඹුල්ලේ සිට එළවළු ගෙනවිත් බාර දීමට හැකි බව දඹුල්ල ආර්ථික මධ්‍යස්ථානයේ කළමනාකරණ භාරයේ කළමනාකරු ක්‍රිස්ටි විජේරත්න මහතා අද(08 ) දින පැවසීය.

08 April 2020

බ්‍රිතාන්‍යයේ සිටි තවත් ශ්‍රී ලාංකිකයෙක් මරුට

කොරෝනා වයිරසය ආසාදනය වීමෙන් බ්‍රිතාන්‍යයේ පදිංචිව සිටි තවත් ශ්‍රී ලාංකිකයෙකු ජීවිතක්ෂයට පත්ව ඇතැයි එරට තානාපති ආරංචි මාර්ග සඳහන් කර සිටී

08 April 2020

අද - හෙට මුහුද රළු වෙයි

පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශ අද (8) සහ හෙට (9) දිනවලදී විටින් විට රළු විය හැකි බව කාලගුණ විද්‍යා දෙපාර්තමේන්තුව පවසයි.

08 April 2020

ඇමෙරිකාවේ දිනකදී සිදුවූ වැඩිම කොරෝනා මරණ සංඛ්‍යාව වාර්තා වෙයි

කොරෝනා වෛරසය ආසාදනයෙන් අමෙරිකා එක්සත් ජනපදයේ දිනක් තුළ සිදුවූ වැඩිම මරණ සංඛ්‍යාව වාර්තා වී තිබේ.

08 April 2020

උකස් පහසුකම් දෙන්න යයි මධ්‍යම පන්තිකයෝ ඉල්ලති

අඩු ආදායම් ලාභී පවුල් වලට සහන සලසන්නා සේම මධ්‍යම පාන්තිකයන්ටත් තමන්ගේ රත්තරන් ආභරණ හෝ උගසට තබා දරුවන්ට කෑමට යමක් මිලදී ගැනීමට හැකිවන පරිදි බැංකු සහ උගස් මධ්‍යස්ථාන විවෘත කර දෙන්න‘යි කොළඹ සහ ඇඳිරිනීතිය මෙතෙක් ඉවත් නොකළ ප්‍රදේශ වල මධ්‍යම පන්තික ජනතාව පවසති.

08 April 2020

සනත් ජයසූරියගෙන් ප‍්‍රජා සත්කාර රැසක්

‘කොරෝනා’ වයිරසයෙන් අවදානම් තත්ත්වයට පත්ව සිටින ශ‍්‍රී ලාංකික ජනතාව වෙනුවෙන් පහසුකම්සැළසීමට ශ‍්‍රී ලංකා හිටපු සුපිරි ක‍්‍රිකට් ක‍්‍රීඩක සනත් ජයසූරිය මහතා කටයුතු කරමින් සිටියි.

08 April 2020

කොරෝනා යැයි සැක ගැබිනි මව්වරුන්ට මාතලේ රෝහලේ වෙනම ඒකකයක්

කොරෝනා වයිරසය ආසාදනය වී ඇති බවට සැක කරන ගැබිනි මව්වරුන් සඳහා මාතලේ මහ රෝහලේ විශේෂ ප්‍රතිකාර ඒකකයක් ස්ථාපනය කළ බව මාතලේ මහ රෝහලේ අධ්‍යක්ෂ වෛද්‍ය අසේල දිසානායක මහතා අද (08) පැවසීය.

08 April 2020

ණය ගැනීම ඉහළ දැමීමේ යෝජනාවක් වහාම පාර්ලිමේන්තුවට ගේන්න

වසංගත තත්ත්වයෙන් පැන නැගී ඇති හදිසි සහ අනපේක්ෂිත අවශ්‍යතා සැලකිල්ලට ගෙන ණය ගැනීමේ සීමාව ඉහළ නැංවීමේ යෝජනාවක් පාර්ලිමේන්තුවේ සම්මත කරගන්නැයි හිටපු මුදල් අමාත්‍ය මංගල සමරවීර මහතා නිවේදනයක් නිකුත් කරමින් සඳහන් කරයි.

08 April 2020

ආසාදිතයන් ගණන 186 දක්වා ඉහළට

ශ්‍රී ලංකාවේ කොරෝනා ආසාදිතයන් සංඛ්‍යාව 186 දක්වා ඉහළ ගොස් ඇතැයි සෞඛ්‍ය ප්‍රවර්ධන කාර්යංශය පවසයි.

08 April 2020

බෙන්තර ගඟේ නාවික හමුදා මුර සංචාරක සේවයක්

බස්නාහිර හා දකුණු පලාත් වෙන් කෙරෙන බෙන්තර ගඟේ නාවික හමුදා මුර සංචාරක සේවයක් ආරම්භ කර තිබේ.

08 April 2020

මහජන සෞඛ්‍ය පරීක්‍ෂකවරු රජයේ වාහන රාජකාරිවලට ඉල්ලති

මේ වන විට අත්‍යවශ්‍ය සේවා ලෙස ක්‍රියාත්මක නොවන රාජ්‍ය ආයතනවලට අයත් වාහන තම රාජකාරි සඳහා සීමිත කාලයකට ලබා දෙන්නැයි ශ්‍රී ලංකා මහජන සෞඛ්‍ය පරික්ෂකවරුන්ගේ සංගමය රජයෙන් ඉල්ලීමක් කර ඇත.

08 April 2020

බළලුන් නිවසේම තබා ගන්නැයි බ්‍රිතාන්‍යයේ පශු වෛද්‍යවරු උපදෙස් දෙති

බළලුන් ඇතුළු සුරතල් සතුන් තම නිවෙස්වලම තබා ගන්න යැයි බ්‍රිතාන්‍ය පශු වෛද්‍යවරු පිරිසක් විසින් උපදෙස් නිකුත් කර තිබේ.

08 April 2020

ගොවියෝ දඹුලු ආර්ථිකයට ගෙන ආ එළවළු මහ මග අලෙවි කරති

දඹුල්ල ආර්ථික මධ්‍යස්ථානය වසා දැමීමත් සමඟ එළවළු රැගෙන ආ ගොවීන් දඹුල්ල අවට ප්‍රධාන මාර්ගවල සහ විවිධ ස්ථානවල තබාගෙන තම එළවළු අලෙවි කිරීමේ වැඩසටහනක අද (8) පෙරවරුවේ සිට නිරතව සිටින අයුරු දැක ගැනීමට හැකි විය.

08 April 2020

ඇදිරිනීති බලපත්‍ර ක්‍රමවේදය 30 න් අවසන්

නව ඇදිරීනීතිය බලපත‍්‍ර කි‍්‍රයාත්මක කිරීමේ ක‍්‍රමවේදය අප්‍රෙල් මස 30 දිනෙන් අවසන් කිරීමට නියමිත බව පොලිස් මුලස්ථානය කියයි.

08 April 2020

මොනරාගල 1776 දෙනෙක් ස්වයං නිරෝධායනයට

විදේශගතව සිට හා කොළඹ ඇතුළු විවිධ ප්‍රදේශවල සිට රැකියා කරමින් සිට මොනරාගල දිස්ත්‍රික්කයට පැමිණි පදිංචිකරුවන් 1776 දෙනෙකු නිවෙස් වලටවී නිරෝධායනය වන බව මොනරාගල දිසාපති ගුණදාස සමරසිංහ මහතා පැවසීය.

08 April 2020

බූස්ස යුදහමුදා කඳවුරේ නිරෝධායන මධ්‍යස්ථානයක්

දකුණු පළාතේ සෞඛ්‍ය අංශයේ නිලධාරීන් සහ සෙසු කාර්ය මණ්ඩල නිරෝධායන කිරීමට අවශ්‍ය වුවහොත් ඒ සදහා බූස්ස යුද හමුදා කදවුරේ විශේෂ ඒකකයක් ස්ථාපිත කිරිමට යුද හමුදාපතිවරයාගේ අනුමැතිය ලැබී ඇතැයි දකුණු පළාත් ආණ්ඩුකාරවරයාගේ මාධ්‍ය ලේකම් ප්‍රදීප් දිනේෂ් ගුණවර්ධන මහතා පැවසිය.

08 April 2020

ශ්‍රී ලංකා ගුවන් සේවය 21 වැනිදා තෙක් ගුවන් ගමන් නවත්වයි

ශ්‍රී ලන්කන් ගුවන් සේවය අද (08) දින සිට සිය ගුවන් ගමන් මෙහෙයුම් ලබන 21 දින තෙක් තාවකාලිකව අත්හිටුවා තිබේ .

08 April 2020

කොරෝනා ආසාදිතයෙක් නිසා ගමක් විෂබීජහරණය කරයි

යාපනය රෝහලෙන් වාර්තා වූ කොරෝනා ආසාදිතයෙකු රෝහල්ගත වීමට පෙර යාපනය කයිට්ස් ප්‍රදේශයේ සැඟවී සිටීමට සැරිසැරීම හේතුවෙන් ගම්වාසීන්ගේ ආරක්ෂාව උදෙසා එම ප්‍රදේශය විෂබීජහරණය කිරීමට නාවික හමුදාව විසින් පියවර ගෙන ඇත.

08 April 2020

නිරෝධායනය මගහැර අකුරණින් පැන්න අයෙක් අල්ලයි

කොරෝනා වෛරසය ආසාධිත වූවන් හමුවීම හේතුවෙන් මේවනවිට නිරෝධායනයකට ලක්කර වසා දමා තිබෙන අකුරණ ප්‍රදේශයේ සිට පැමිණ සැඟවී සිටි අයෙකු මාවතගම පරගහදෙනිය ප්‍රදේශයෙදී අත්අඩංගුවට ගත් බව මාවතගම සෞඛ්‍ය වෛද්‍ය නිලධාරී ලංකා අමරසිංහ මහත්මිය පැවසුවාය.

08 April 2020

වෙරළ තීරයට ඝණ අපද්‍රව්‍ය බැහැර කිරීම ගැන සමීක්ෂණයක්

කොරෝනා වසංගතයත් සමඟ මෙරට ප්‍රසිද්ධ වෙරළ තීරයන් ගංගාවල මෝයකටවල්, ධීවර වරායන් වෙළඳ වරායන් ආශ්‍රීතව පොලිතින් ප්ලාස්ටික් ඝණ හා ද්‍රව අපද්‍රව්‍ය බැහැරවීම පිළිබඳ සමීක්ෂණයක් කිරීමට සැලසුම්කර ඇතිබව සමුද්‍රජීවි පරිසර ආරක්ෂණ අධිකාරියේ සාමාන්‍යධිකාරී ආචාර්ය ටර්නි ප්‍රදීප් කුමාර මහතා පවසයි.

08 April 2020

ඇඳිරිනීතී බලපත් නැතිව රාජකාරී හැඳුනුම්පතෙන් ගමන් ගිය කොස්තාපල්ගේ වැඩ තහනම්

ඇඳිරිනීති බලපත්‍රයක් නොමැතිව තවත් තිදෙනෙකු සමග වාහනයකින් ගමන් කළ බව කියන පොලිස් කොස්තාපල්වරයෙකුගේ වැඩ තහනම් කිරීමට පුත්තලම සහකාර පොලිස් අධිකාරීවරයා පියවර ගෙන ඇත.

08 April 2020

ගත වූ පැය 24 දී ඇඳිරිනිතිය උල්ලංඝනය කළ 1815 ක් අත්අඩංගුවට

බදාදා (08) උදෑසන 6 අවසන්වූ ගතවූ පැය 24ක කාලය තුළ ඇඳිරිනීතිය උල්ලංඝනය කිරීම සම්බන්ධයෙන් පුද්ගලයින් 1815 ක් අත්අඩංගුවට ගෙන වාහන 595 ක් පොලිස් භාරයට ගත් බව පොලිස් මාධ්‍ය ප්‍රකාශක කාර්යාලය පවසයි.

08 April 2020

දියතලාව- කැප්පෙටිපොළ -වැලිමඩ මත්පැන් හල් 5 කට මුද්‍රා තබයි

නීති විරෝධී ලෙස මත්පැන් පිටතට යෑම වැළැක්වීම සඳහා බණ්ඩාරවෙල සුරාබදු දෙපාර්තමේන්තුව අධික්ෂණය යටතේ ඇති මත්පැන් හල් පහක් අද (7 ) තාවකාලිකව මුද්‍රා තැබීමට පියවර ගත් බව බණ්ඩාරවෙල සුරාබදු කාර්යාලය කියයි.

07 April 2020

මේ මොහොතේ අපට ඉන්නා එකම සතුරා කොරෝනා පමණයි

මේ මොහොතේ රටේ සිටිය හැක්කේ එකම එක හතුරකු පමණක් බවත්ල ඒ කොරෝනා නමැති සතුරා පමණක් බවත් අගමැති මහින්ද රාජපක්ෂ මහතා අද (07) වැනිදා විශේෂ ප්‍රකාශයක් කරමින් පැවසීය.

07 April 2020

ආණ්ඩු පක්ෂයේ හිටපු මැති ඇමැතිවරු හෙට රැස්වෙති

ආණ්ඩු පක්ෂයේ හිටපු මැති ඇමැතිවරුන්ගේ විශේෂ රැස්වීමක් ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් හෙට (08) සවස 6ට ජනාධිපති කාර්යාලයේදී පැවැත්වේ.

07 April 2020

බ්‍රිතාන්‍ය අගමැතිගේ තත්ත්වය යහපත් අතට

කොරෝනා වෛරසය ආසාදනය වීමෙන් පසු ප්‍රතිකාර සඳහා රෝහලක දැඩි සත්කාර ඒකකයට ඇතුළත් කළ බ්‍රිතාන්‍ය අගමැති බොරිස් ජොන්සන් මහතාගේ තත්ත්වය මේ වන විට යහපත් තත්ත්වයට හැරී ඇතැයි විදෙස් මාධ්‍ය පවසයි.

07 April 2020