එසැණ පුවත්

කෝටි දෙකක ‘කුෂ්‘ගුවන් තොටින් පන්නන්න බැරිවෙයි

රුපියල් දෙකෝටි දස ලක්ෂයක් වටිනා ’’ කුෂ්’’ මත්ද්‍රව්‍ය තොගයක් කටුනායක ගුවන් තොටුපොළ වෙත රැගෙන විත් , ඒවා කිසිවක් ප්‍රකාශ කිරීමට නොමැති ’’ හරිත මාවත ’’ ( Green Channel ) ඔස්සේ පිට කර ගෙන යාමට තැත් කළ ශ්‍රී ලාංකික ගුවන් මගියෙකු අද(03) රේගු මත්ද්‍රව්‍යය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .

ඉංජිනේරු III ශ්‍රේණියට නිලධාරී 183ක්

රටේ පවතින දැඩි සේවා අවශ්‍යතාව මත ශ්‍රී ලංකා ඉංජිනේරු සේවයේ III ශ්‍රේණියට නිලධාරීන් 183 දෙනෙකු බඳවා ගත් බව රාජ්‍ය පරිපාලන පළාත් සභා සහ පළාත් පාලන අමාත්‍ය මහාචාර්ය චන්දන අබයරත්න මහතා පැවැසීය.

වරෙන්තුකරු පොලිස් කූඩුවේ ලෙඩ වී මරු දකියි

වරෙන්තු දෙකක් සම්බන්ධයෙන් කන්දකැටිය පොලීසිය මගින් සැකපිට අත් අඩංගුවට ගෙන පොලිස් සිර මැදිරියේ රඳවා සිටි පුද්ගලයකු හිටි හැටියේම අසනීප වී කන්දකැටිය රෝහලට ඇතුළත් කිරීමෙන් පසු වැඩිදුර ප්‍රතිකාර සදහා මහියංගනය මුලික රෝහල වෙත ඇතුළත් කර ප්‍රතිකාර ලබමින් සිටියදී මිය ගොස් ඇතැයි කන්දකැටිය පොලීසිය පවසයි.

සිවිල් ආරක්ෂක හිටපු නියාමක-නියාමකවරියක් ඇතුළු 4ක් නිධන් හාරලා

කොක්මඩුව ප්‍රදේශයේ පුද්ගලික ඉඩමක නිධන් ලබා ගැනිමේ අරමුණින් කැනීම් කරමින් සිටි සිවිල් ආරක්ෂක බලකායේ හිටපු නියාමකවරියක් හා හිටපු නියාමකවරයෙක් ඇතුළු පුද්ගලයන් සිවු දෙනෙකු අත්අඩංගුවට ගත්බව කහටගස්දිගිලිය පොලිසිය කියයි.

ඇෆ්ගනිස්ථානයට ප්‍රබල භූ කම්පනයක්

උතුරු ඇෆ්ගනිස්ථානයේ මසාර්-ඊ ෂරීෆ් හි රිච්ටර් මාපකයේ 6.3 ක ප්‍රබල භූමිකම්පාවක් ඇති ව ඇතැයි විදෙස් මාධ්‍ය වාර්තා කරයි.

අධිකරණ සේවයේ 20ක් රාජකාරිවලින් ඉවත් කරලා

අධිකරණ සේවා කොමිෂන් සභාව විනිසුරුවරුන් සහ අධිකරණ සේවයේ නිලධාරීන් 20 දෙනකු සිය රාජකාරීවලින් ඉවත්කර ඇතැයි ආරංචි මාර්ග ප්‍රකාශ කළේය.

පළාත් තුනක තැනින් තැනට පොඩි වැස්සක්

සබරගමුව, මධ්‍යම සහ ඌව පළාත්වලට පස්වරු 2.00 න් පමණ පසු ස්ථාන ස්වල්පයක වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

හොරණ වෙඩි තැබීමකින් දෙදරු පියෙක් මරුට

හොරණ මීවනපලාන සිරිල්ටන්වත්ත ප්‍රදේශයේ පුද්ගලයකු බෝර දොළහේ ගිනි අවියකින් වෙඩි තබා ඝාතනය කර ඇති බව හොරණ පොලිසිය කියයි.

මාස 10ට වාහන 250000 ගෙන්නලා

මෙම වසරේ පළමු මාස 10දී මෙරටට වාහන 250,000 ක් පමණ ආනයනය කර ඇති බවත් ඉන් රේගුව ඉපැයූ බදු ආදායම රුපියල් කෝටි 63,000 ක් බවත් ශ්‍රී ලංකා රේගුව ප්‍රකාශ කළේය. පසුගිය වසරේ පළමු මාස 10 ට සාපේක්ෂව එය සියයට 1000 කටත් වඩා වැඩි ප්‍රතිශතයකි.

විෂ මත මඩින්න මහ සඟරුවනේ උදව් ඕනෑ

අනාගත පරපුර විෂ මත්ද්‍රව්‍ය වලින් බේරා ගැනීම සඳහා මහා සංඝරත්නය ප්‍රමුඛ සියලු දෙනාගේ සහාය අපේක්ෂා කරන බව ජනාධිපති අනුර කුමාර දිසානායක මහතා පැවසීය.

“රටම එකට” මෙහෙයුම දින තුනට 3000ක් අල්ලයි

මත්ද්‍රව්‍ය මෙරටින් තුරන් කිරීමේ ‘රටම එකට’ ජාතික මෙහෙයුම ආරම්භ කර ගතවු දින තුනේදී 3,000කට අධික පිරිසක් අත්අඩංගුවට ගෙන ඇත.

සුළං පෙත්තත් සමග ලොරිය පෙරළිලා

මන්නාරමේ ඉදිකිරීමට යෝජිත සුළං බලාගාරයට රැගෙන යෑමට ත්‍රිකුණාමල වරායේ සිට ප්‍රවාහනය කළ මීටර 76 ක දිගින් යුත් සුළං පෙත්තක් රැගත් ලොකු ලොරියක් අද (02) පස්වරුවේ වරාය පිවිසුම් දොරටුව අසලදී පෙරළී යාමෙන් වරායේ ගොඩනැගිලි කිහිපයකට හානි සිදු වූ බව වරාය අධිකාරිය කියයි.

රජරට ආචාර්යවරු රාජකාරියෙන් ඉවත්වෙති

රජරට විශ්වවිද්‍යාලීය පාලක සභාව විසින්, උපකුලපති තනතුර සඳහා නම් කොට යවන ලද නාම යෝජනා තුන පසෙකලා මාස හතරකට පසුව කිසිදු හේතුවක් නොදන්වා අලුතෙන් නාමයෝජනා තුනක් එවන ලෙස විශ්වවිද්‍යාල ප්‍රතිපාදන කොමිෂන් සභාව විසින් සිදුකළ දැනුම් දිමට විරෝධය පළ කරමින් රජරට විශ්ව විද්‍යාලීය ආචාර්ය සංගමය අඛණ්ඩ වැඩ වර්ජනයක් ආරම්භ කළ බව සභාපති නාලක ගීකියනගේ මහතා පවසයි.

ලොව ලොකුම කෞතුකාගරය

ලොව විශාලතම පුරාවිද්‍යා කෞතුකාගාරය ලෙස සැලකෙන ඊජිප්තු මහා කෞතුකාගාරය අනිද්දා (04) මහජනතාව සඳහා සම්පූර්ණයෙන් විවෘත වීමට නියමිතය.

කැලෑ කපනවා නම් 1995

‘වන සුරැකුම්’ යන නමින් මෙහෙයුම් මධ්‍යස්ථානයක් හෙට ආරම්භ කරන බව පරිසර අමාත්‍ය වෛද්‍ය දම්මික පටබැඳි මහතා පැවසීය.

ඥානසාර හිමියෝත් ආරක්ෂාව ඉල්ලති

සංවිධානාත්මක අපරාධ කල්ලි සාජිකයන් තමන් වහන්සේ ඝාතනය කිරීමට සූදානමක් පවතින හෙයින් ඇමැති ආරක්ෂක අංශ නිලධාරින් දෙදෙනකු ආරක්ෂාවට දෙන ලෙස ගලගොඩඅත්තේ ඥානසාර හිමියෝ ආරක්ෂක ලේකම්වරයාට ලිපියක් යවමින් ඉල්ලීමක් කරති.

අයවැය සමයේ පාර්ලිමේන්තු සේවකයෝ වැඩ වැරුමක?

පාර්ලිමේන්තුවේ පරිපාලනය ප්‍රතිව්‍යුහගතකරණය කිරීම පිළිබඳ කමිටු වාර්තාවට විරෝධය පළ කරමින් එහි ඇතැම් සේවකයන් අයවැය කාලයේදී වෘත්තීය ක්‍රියාමාර්ගයකට අවතීර්ණ වීමට සූදානම් වෙමින් සිටින බව ආරංචි මාර්ග සඳහන් කළේය.

කෝටි 500ක කුඩු සමග ධීවරයෝ හයක් මාට්ටු

නාවික හමුදාවේ දුරදිග මෙහෙයුම් බල ඇණිය ගැඹුරු මුහුදේ දී අත් අඩංගුවට ගත් මත් ද්‍රව්‍යය විශාල ප්‍රමාණයක් සහිත ධීවර යාත්‍රාවක් අද උදෑසන වත්තල දික්ඕවිට ධීවර වරායට රැගෙන එනු ලැබීය.

මත්ද්‍රව්‍ය සමඟ තරුණ-තරුණියන් 31ක් අත්අඩංගුවට

මිරිහාන මාදිවෙල, කිඹුලාවල ප්‍රදේශයේ වෙල්යායක් අසබඩ පිහිටි ’’කමත’’ නැමතිි ස්ථානයේ ඊයේ (01) වන දින රාත්‍රියේ පැවති සංගීත ප්‍රසංගයක් නැරඹීම සඳහා පැමිණි තරුණ තරුණියන් සන්තකයේ තිබී විවිධ වර්ගයේ මත්ද්‍රව්‍ය සමඟ 31 දෙනෙකු අත්අඩංගුවට ගත් බව නුගේගොඩ කොට්ඨාස අපරාධ විමර්ශන මෙහෙයුම් ඒකකය පවසයි.

හොරගස්මුල්ලේ ටයර් වැඩපොළක ගින්නක්

දිවුලපිටිය හොරගස්මුල්ලේ ටයර් වෙළෙදසලක අද පෙරවරුවේ ඇතිවූ හදිසි ගින්නකින් ටයර් පුරවා තිබූ ගබඩා පරිශ්‍රය හා ලොරි රථයක් ඇතුළු දේපල රැසක් විනාශවී රුපියල් කෝටි ගණනක අලාභයක් සිදුවී ඇතැයි දිවුලපිටිය පොලිසිය කියයි.

ආයුර්වේද වෛද්‍යවරු 303ක් පත් වෙති

ආයුර්වේද වෛද්‍යවරු 303 දෙනෙක් බඳවා ගැනීමට රජය තීරණය කර තිබේ.

රටම එකට මෙහෙයුමේදී සැකකරුවෝ 1314 ක් පොලිස් දැලට

රටම එකට ජාතික මෙහෙයුම යටතේ සැකකරුවන් 1314 ක් ඊයේ (1) අත්අඩංගුවට ගත් බව පොලිස් මාධ්‍ය කොට්ඨාසයේ පවසයි.

වැල්ලේ සාරංගගේ ගෝලයෙක් අල්ලයි

මෝදර ප්‍රදේශයේ සංවිධානාත්මක අපරාධකරුවෙකු මෙන්ම මත්ද්‍රව්‍ය ජාවාරම්කරුවෙකු ලෙසට හැඳින්වෙන වැල්ලේ සාරංග කැමැත්තාගේ ඝාතන රැසකට සම්බන්ධ ගෝලයකු අයිස් මත්ද්‍රව්‍ය සමඟ කොළඹ උතුර කොට්ඨාශ අපරාධ විමර්ශන අංශය මගින් අත්අඩංගුවට ගෙන ඇති බව පොලිසිය සඳහන් කරයි.

විල්වත්තේ දී දුම්රියක් පීලි පනී

කොළඹ - මහනුවර ප්‍රධාන මාර්ගයේ විල්වත්ත ප්‍රදේශයේදී දුම්රියක් පීලි පැනීමෙන් ප්‍රධාන මාර්ගයේ දුම්රිය ධාවනයට බාධා එල්ල වී ඇතැයි දුම්රිය දෙපාර්තමේන්තුව කියයි.

මත්ද්‍රව්‍ය තුරන් කරන අතරේ සමාගම්වලට ගංජා වවන්න අවසර දීලා

පළාත් කීපයකට අද වැසි

සබරගමුව, මධ්‍යම, දකුණු සහ ඌව පළාත්වලත් අම්පාර දිස්ත්‍රික්කයේත් ස්ථාන ස්වල්පයක අද පස්වරුවේ වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව කියයි.

කෝටියක මාළු මා දැලක පැටලේ

උඩප්පුවේ මාදැලකට රුපියල් කෝටියකට අධික වෙන්කඩ පරව් මාළු අස්වැන්නක් ලැබුණු බව ධීවරයෝ පවසති.

පොලිස් රාජකාරියට බාධා කළ දෙමටගොඩ කතක් අල්ලයි

රථ වාහන වරදකට මෝටර් රථයක් නවතා නීතිය ක්‍රියාත්මක කිරීමට යද්දී එය පැද වූ කාන්තාව ඇය ‍ජ්‍යෙෂ්ඨ නියෝජ්‍ය පොලිස්පති වරයකුගේ නැගණිය බව පවසමින් පොලිස් නිලධාරීන්ගේ රාජකාරියට බාධා කරමින් කලහකාරී ලෙස හැසිරී පලායමින් සිටියදී මිනුවන්ගොඩ ප්‍රදේශයේදී අත්අඩංගුවට ගත් බව ගම්පහ පොලිසිය කියයි