ඇමෙරිකා එක්සත් ජනපදය එෆ් 35 ප්‍රහාරක ජෙට් යානා ලබාදීම ප්‍රතික්ෂේප කිරීම “සොරකමක්” යැයි තුර්කි ජනාධිපති රිජෙබ් තායිප් එර්දොවාන් පවසයි.

තුර්කිය ඇමෙරිකා එක්සත් ජනපදයෙන් එෆ් 35 ප්‍රහාරක ජෙට් යානා මිලදී ගත් බවත් ඇමෙරිකාව එම යානා ලබාදීම ප්‍රතික්ෂේප කරන බවත් තුර්කි ජනාධිපතිවරයා කියයි.

ඇමෙරිකාව සහ තුර්කිය අතර මෙම අර්බුදයට හේතුව වී ඇත්තේ, තුර්කිය රුසියාවෙන් එස් - 400 මිසයිල ආරක්ෂණ පද්ධතියක් මිලදී ගැනීමය. තුර්කිය රුසියාවෙන් මිලදී ගත් එම ගුවන් ආරක්ෂණ පද්ධතිය ඉදිරි දින කිහිපය තුළදී තුර්කියට ලැබීමට නියමිතය.

තුර්කිය එලෙස රුසියාවෙන් එස් - 400 මිසයිල ආරක්ෂණ පද්ධතියක් නිසා තුර්කිය ඇණවුම් කළ එෆ් 35 ප්‍රහාරක ජෙට් යානා ලබා නොදෙන බවට ඇමෙරිකාව තර්ජනය කර ඇත.එමෙන්ම පුහුණු හා නිෂ්පාදන වැඩසටහන් නවතා දමන බවට ද ආර්ථික සම්බාධක පනවන බවට ද ඇමෙරිකාව තුර්කියට අනතුරු අඟවා ඇත.

“ඔබ පාරිභෝගිකයකු බලාපොරොත්තු වෙනවා. එතකොටම පාරිභෝගියකු එනවා. ඔහු ගෙවීම් කරනවා. පාරිභෝගිකයා ගෙවීම් කළාම ඔබ කොහොමද ඔවුන්ගේ බඩු නොදී ඉන්නේ කොහොමද ? එහෙම නොදෙනවා නම් එය සොරකමක්” යැයි තුර්කි ජනාධිපති එර්දොවාන් පැවැසීය.

තුර්කිය ඇමෙරිකාවට, එක්සත් ජනපද ඩොලර් බිලියන 1.4ක් ගෙවූ බවත් තුර්කිය ප්‍රහාරක ගුවන් යානා නිෂ්පාදනය සඳහා විශාල මුදලක් වෙන් කර ඇති බවත් හෙතෙම තවදුරටත් කීය.
 
ඒ.එෆ්.පී.ඇසුරිනි 
055