විදේශිකයින් තායිවානයට ඇතුළු වීම හෙට සිට තහනම් කිරීමට එරට රජය පියවර ගෙන ඇත.

කොරෝනා වෛරසය පැතිර යාම වැළැක්වීම සඳහා මෙම තීරණය ගෙන තිබේ.

රාජ්‍ය තාන්ත්‍රික නිලධාරීන් සහ විශේෂ පිවිසුම් අවසරපත් හිමි පුද්ගලයින්ට මෙම තහනම ක්‍රියාත්මක නොවන නමුත් ඔවුන් දින 14 ක නිරෝධාන ක්‍රියාවලියකට යටත් කෙරේ.

චීනයෙන් එරටට පැමිණෙන පුද්ගලයින් සීමා කිරීමට සහ වයිරසය ආසාදනය වීම් පිළිබඳ තොරතුරු ප්‍රසිද්ධ කිරීමට ද තායිවානය කඩිනමින් ක්‍රියාමාර්ග ගන්නා ලදී.

කෙසේ  වුවත් විදේශවල සිට පැමිණි තායිවාන ජාතිකයින් කිහිප දෙනෙකුට සහ විදෙස් සංචාරකයින් කිහිප දෙනෙකුට වයිරසය ආසාදනය වී ඇති බව තහවුරු විය.

ඒ අනුව තායිවානයෙන් මේ වන විට වාර්තා වන මුළු රෝගීන් සංඛ්‍යාව 100 දෙනෙකි.

මේ අතරින් 10 දෙනෙක්  ඊයේ දිනයේ දී හඳුනාගනු ලැබීය.

එය එක් දිනක දී අලුතින් හඳුනාගන්නා ලද වැඩිම රෝගීන් සංඛ්‍යාව වෙයි. 

-226-

(එන්.එච්.කේ. ඇසුරෙනි)