ඉරාක ආරක්ෂක හමුදා විසින් රාජ්‍ය විරෝධී පෙළපාළිකරුවන් 10දෙනකු වෙඩිතබා ඝාතනය කර ඇතැයි වාර්තා වේ.

බැග්ඩෑඩ් නගරයේ හය දෙනකු මරාදමා ඇති අතර දකුණු දිග බස්රා නගරයේ හතරදෙනකු මරාදමා ඇත.

සති ගනනක් පුරා පැවති විරෝධතා වලදී ඇතිවූ මාරාන්තික ප්‍රචණ්ඩ ක්‍රියා හේතුවෙන් බොහෝදෙනකු තුවාල ලබා ඇති බවද පැවසේ.

ඉරාකයේ පාලක දේශපාලන ප්‍රභූ පැළැන්තියට එරෙහිව විරෝධතා ආරම්භවූ අතර ටයර් පුළුස්සමින් පාරවල් අවහිර කරමින් විරෝධතාකරුවන් හැසිරුණු බව මාධ්‍ය වාර්තා කර ඇත. 

රැකියා හිඟය, පිරිසිදු ජල හිඟය, දුර්වල අධ්‍යාපන හා සෞඛ්‍ය සේවා සහ දූෂණය යන කරුණු ඔවුහු අවධාරණය කළහ.

මධ්‍යම බැග්ඩෑඩ්හි ෂුහාඩා පාළම අසලදී ආරක්ෂක අංශ විරෝධතාකරුවන්ට සජීවී වෙඩි ප්‍රහාර එල්ල කළහ.

බස්රා නගරයේ දින ගනනාවක් වාඩිවී සිටිමින් විරෝධතාවයේ යෙදුණු පෙළපාලිකරුවන්ට ද ආරක්ෂක අංශ වෙඩිතැබූහ.

පෙළපාලි ආරම්භවූ ඔක්තෝබර් පළමුවන දින සිට මේ දක්වා 260කට වැඩි පිරිසක් මියගොස් තිබේ.

(රොයිටර් පුවත් ඇසුරිණි - 085)