( වසන්ත චන්ද්‍රපාල ) 

අම්පාර ,  උහන  ගුවන්  හමුදා කඳවුරේ  පැරෂුට්  පුහුණුවීම්  කටයුතු හි නිරතව සිටි  යුද හමුදාවේ  තුන්වැනි විශේෂ බළකායේ  බලලත්  පුහුණු නිලධාරීවරයකු  පැරෂූටය  ක්‍රියාත්මක නොවී  බිම ඇද වැටීමෙන්  අද (20)  මිය ගොස් තිබේ.

අද උදෑසන  ඔහු  ආධුනික   භටයින් පුහුණු කිරීමේදී   අඩි දහදාහක් පමණ  ඉහළ සිට  පහළට පැනීමෙන් මෙම   අනතුර සිදු වී ඇත.

මෙලෙස මිය ගොස්  ඇත්තේ කඹුරුපිටිය  ප්‍රදේශයේ පදිංචි  යුද හමුදාවේ  තුන්වැනි  විශේෂ  බළකායේ   බලලත් නිලධාරී(II) එච්.එච්.ඒ. සී . කුමාරසිංහ නැමැති නිලධාරීයෙකි.

ගුවන් හමුදා කඳවුර  ආසන්නයේ  පිහිටි කැලෑවක  තිබී එම නිලධාරීයාගේ   සිරුර හමු වී ඇති අතර  ඔහු අම්පාර රෝහලට ඇතුළු කරන විටත් මිය ගොස් සිටි බව රෝහල් ආරංචිමාර්ග කියයි.