(වසන්ත චන්ද්‍රපාල)
නාවික හමුදා බුද්ධි අංශය ලබාදුන් තොරතුරු මත පොලිස් විශේෂ කාර්ය බලකායේ අම්පාර කඳවුරේ නිලධාරීන් හෙරොයින් ග්‍රෑම් 5 යි මිලි ග්‍රෑම් 750 ක් සමඟ සැකකරුවන් තිදෙනෙක් අද (23) අත්අඩංගුවට ගෙන තිබේ.
අක්කරපත්තුව ඔලුවිල් පාලමුනේ ජලාල්පුර ප්‍රදේශයේදී මෙම පුද්ගලයන් අත්අඩංගුවට ගෙන ඇත.
මෙසේ අත්අඩංගුවට ගෙන ඇත්තේ කලන්දර් ලෙබ්බේ සහාජාන් නැමැති 29 හැවිරිදි අයෙකු සහ සයිව් තම්බි මොහමඩි රිස්වි නැමැති 26 හැවිරිදි අයෙකි.
අත්අඩංගුවට ගත් දෙදෙනා පාලමුනේ පදිංචිකරුවන් බව විශේෂ කාර්ය බලකාය පවසයි.
අයිස්ක්‍රීම් විකුණන වෑන් රථයක් තුළ මෙම මත්කුඩු තිබූ අතර පාසල් සිසුන් ඉලක්ක කරගෙන මෙම මත්කුඩු ජාවාරම සිදුවන්නට ඇතැයි පොලිස් විශේෂ කාර්ය බලකායේ නිලධාරියෙක් පැවසීය.
අත්අඩංගුවට ගත් සැකකරුවන් දෙදෙනා ඉදිරි පරීක්ෂණ කටයුතු සඳහා අක්කරපත්තුව පොලිස් ස්ථානයට භාරදී තිබේ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
