වසන්ත චන්ද්‍රපාල

අම්පාර හිමිදුරාව සහ දෙහි අත්තකණ්ඩිය කුඩාගල ගම්මානයෙන් හමුවු කොරෝනා ආසාදිත වු නාවික හමුදා නිළධාරින් දෙදෙනා ලගින් ඇසුර කරන ලද පුද්ගලයින් 65 දෙනෙකු අම්පාර කොණ්ඩුවටුවාන යුධ හමුදා කදවුරේ පිහිටුවා ඇති නිරෝධායන මධ්‍යස්ථානයට යොමු කල බව අම්පාර ප්‍රාදේශිය වසංගත රෝග විද්‍යාඥ වෛද්‍ය වජිර රාජපක්ෂ මහතා පැවසිය.

හිමිදුරාව ගම්මනායේ 36 දෙනෙක් සහ පන්නල්ගම ගම්මානයේ තිදෙනෙක් සහ දෙහිඅත්තකණ්ඩිය කුඩාගල ගම්මානයේ 26 දෙනෙක්ද මෙලෙස නිරෝධායනයට යොමුකර තිබේ.

මෙයට අමතරව මෙම නිරෝධායනයට යැවු පිරිස ඇසුරු කරන ලද පුද්ගලයින් 300 ක් පමණ නිවෙස් වලම නිරෝධායනය කල බව දෙහිඅත්තකණ්ඩිය සෞඛ්‍ය වෛද්‍ය නිළධාරි වෛද්‍ය චනිත් පේදුරැආරච්චි මහතා පැවසිය.

මෙසේ නිවෙස්වල නිරෝධායනය සදහා යොමු කර ඇත්තේ කුඩාගල , සුරියපොකුණ,හුලංබදනාගල යන ගම්මානවල පිරිසක් බවද සදහන් කලේය.


මෙට අමතරව හිමිදුරාව නාවික හමුදා ගමන් නිළධාරියා කල ස්ථානවල සිටි 26 දෙනෙකු නිවෙස් වලම නිරෝධායනයට යොමුකර තිබේ.

උහන ජාතික ඉතිරි කිරිමේ බැංකුවට ඔහු පැමිනි අවස්ථාවේ එහි සිටි පිරිස් සහ බැංකු කාර්ය මණ්ඩලයේ කිහිපදෙනෙක්ද මෙසේ නිරෝධායනයට යොමුකර ඇති බව උහන සෞඛ්‍ය වෛද්‍ය නිළධාරි වෛද්‍ය නිරෝෂන් ලියනගේ මහතා පැවසිය.


මෙසේ නිරෝධායනයට ලක්වන්නේ උහන , උහන තිස්සපුර,සියඹලාවැව, නුගේලන්ද,උදයගිරිය යන ප්‍රදේශවල පිරිසක් බවද පැවසිය.

මෙම පුද්ගලයා ගමන් ගත් බස් රථයේ සිටි පිරිස් පිලිබදව තොරතුරැ සොයා ගෙන ඇති අතර එම පිරිස හෙට 02 දිනයේ නිරෝධායනයට යොමු කරන බවද පැවසිය.

තවදුරටත් මෙම පුද්ගලයා ඇසුර කල අය සහ ඔහු ගමන් කරන් ස්ථාන දන්නේ නම් උහන සෞඛ්‍ය වෛද්‍ය නිළදාරි කාර්යාලයට හෝ උහන පොලිස් ස්ථානයට , ග්‍රමා නිළධාරි මහතාට දැනුම් දෙන ලෙසද ඔහු ඉල්ලිමක් කලේය.