(සුදත් එච්. එම්. හේවා)
 
බගවන්තලාව කැම්පියන් වතුයායේ ස්වයං නිරෝධානයට ලක් කර සිටි පවුලක අවුරුදු  69ක කාන්තාවක එම නිවස තුලදිම මිය යාමත් සමග එම මළ සිරුර පී. සී. ආර්. පරීක්ෂාවකට ලක් කිරීමට පියවර ගෙන ඇති බව බගවන්තලාව මහජන සෞඛ්‍ය පරීක්ෂක කදිරවේල් ගනේස් මහතා පවසයි.
 
මෙම කාන්තාවගේ දියණියක් පසුගිය 16වන දින කොළඹ ප්‍රදේශයේ සිට මෙම වතුයායේ නිවසට පැමිණීම හේතුවෙන් එම පවුලේ සියලුම දෙනා එම නිවස තුල ස්වයං නිරෝධානයට ලක් කර සිටි බවත් එසේ නිරෝධානයට ලක් කර සිටියදි මෙම කාන්තාව 28වන දින නිවස තුලදිම මිය ගොස් ඇති බවත් ගනේස් මහතා කියයි.
 
මිය ගිය කාන්තාව සිවු දරු මවකි.
 
පී. සී. ආර්. පරික්ෂාවෙන් පසු එම මළ සිරුර පිළිබදව අවසන් තීරණය ගන්නා බවද ඔහු පවසයි.
 
මේ වන විට බගවන්තලාව ප්‍රාදේශීය සෞඛ්‍ය බල ප්‍රදේශයේ කොවිඩ් ආසාදිතයන් 15දෙනකු හමුව ඇති බවත් එම තත්වයන් මත මෙම සෞඛ්‍ය බල ප්‍රදේශයේ පවුල්  150ක් පමන ස්වයං නිරෝධානයට ලක් කිරීමට පියවර ගෙන ඇති බවත් බගවන්තලාව මහජන සෞඛ්‍ය පරීක්ෂක කදිරවේල් ගනේස් මහතා පවසයි.