(සිතුම් චතුරංග)

වවුනියාව, හොරොව්පතාන  ඒ 32 මාර්ගයේ මඩුකන්ද පාසල අසළදී අද (11) උදෑසන ලොරි රථයක් පෙරලී යෑමෙන් එහි ගමන්ගත් පුද්ගලයින් හත් දෙනකු තුවාල ලබා රෝහල් ගතකර ඇති බව වවුනියාව පොලිසිය පවසයි.

යාපනය සිට හොරොව්පතාන ප‍්‍රදේශයට ගොම රැගෙනඒම සඳහා ගමන්කරමින් තිබූ ලොරි රථයක් වේගය පාලනය කිරීමට නොහැකිව පෙරලීයෑමෙන් මෙම අනතුර සිදුව ඇති බව පොලිසිය සඳහන් කළේය.

මෙලෙස තුවාල ලබා රෝහල් ගතකොට ඇත්තේ ලොරි රථයේ රියදුරු ඇතුළු  එහි සිටි පුද්ගලයින් හයදෙනකු වන අතර ඔවුන් යාපනය හා වවුනියාව ප‍්‍රදේශයේ පදිංචිකරුවන් වන බව පොලිසිය පවසයි.

පොලිසිය පැවසූයේ වංගු සහිත ස්ථානයක් පසුකර යෑමට ගත් උත්සහයකදී ලොරි රථයේ වේගය පාලනය කිරීමට නොහැකිව පෙරලී ගොස් ඇති බවත් අනතුරින් ලොරි රථයට දැඩි ලෙස හානි සිදුවී තිබූ බවයි.

අනතුරින් තුවාල ලැබූවන් ප‍්‍රදේශවාසීන්ගේ සහයෝගය මත වවුනියාව මහ රෝහල වෙත ඇතුළත් කර ඇති අතර තුවාල ලැබූ එක් අයකු දැඩි සත්කාර ඒකකය් ප‍්‍රතිකාර ලබන බවත් සෙසු පුද්ගලයින්ගේ තත්වය බරපතල නොවන බව රෝහල් ආරංචි මාර්ග සඳහන් කළේය.