(මත්තේගොඩ ශාන්ත ප්‍රදීප් කුමාර කුලරත්න)

හෝමාගම, කටුවාන  කර්මාන්තපුරයේ  යකඩ පට්ටම් නිෂ්පාදන කර්මාන්ත ශාලාවක් තුළ කාර්මික දෝෂයක් හේතුවෙන් පසුපසට ධාවනය වූ ලොරි රථයකට යටවී එහි සේවය කළ ඉන්දියන් ජාතික පෑස්සුම් ශිල්පියෙකු අද (26) දහවල් ජීවිතක්ෂයට පත්ව ඇතැයි හෝමාගම පොලිසිය පවසයි .

මෙසේ මියගොස් ඇත්තේ ඉන්දියාවේ, ලක්නව් නුවර, උත්තර ප්‍රදේශයේ, කුසී නගරයේහි පදිංචි භාරති දිලිප් කුමාර්  නමැති 40 හැවිරිදි තිදරු පියෙකු බව පොලිසිය කියයි.

මෙම පුද්ගලයා අද දහවල් කර්මාන්ත ශාලාවට  පිවිසෙන බෑවුම් සහිත මාර්ගය අසල යකඩ පට්ටම් තොගයක් පාස්සමින් සිටියදී  එකවරම මාර්ගයේ ඉහළ නවතා තිබූ මෙම ලොරි රථය පසුපසට ධාවනය වී මෙම පුද්ගලයා යට  කරගෙන පසුපස තිබූ තාප්පයක් ද කඩාගෙන ගොස් අනතුර සිදුව තිබූ බව පොලිසිය පවසයි.

ඉන් යකඩ පට්ටම් පාස්සමින් සිටි ඉන්දියානු ජාතික පෑස්සුම් ශිල්පියා එම ස්ථානයදීම මියගොස් තිබූ බව පොලිසිය සඳහන් කරයි.

පසුව එම  ස්ථානයට හෝමාගම හදිසි මරණ පරීක්ෂකවරයා පැමිණ දේහය පශ්චාත් මරණ පරීක්ෂණය සඳහා හෝමාගම මූලික රෝහලේ මෘත ශරීරාගාරයට රැගෙන යන ලෙස පොලිසියට නියෝග කළේය.

අනතුර සිදුකළ ලොරි රථය සහ රියදුරු අත්අඩංගුවට ගෙන ඇති අතර අධිකරණයට ඉදිරිපත් කිරීමට නියමිතය.