(රංජිත් රාජපක්ෂ)                       

හැටන් සිට නොර්වුඩ් දක්වා ධාවනය වූ ලොරි රථයක් අද (27)  රාත්‍රී 9.00 ට පමණ මාර්ගයෙන් ඉවතට පැන අනතුරට ලක්වී ඇති බව හැටන් පොලිසිය පැවසිය.

අනතුර සිදු වී ඇත්තේ හැටන් බගවන්තලාව ප්‍රධාන මාර්ගයේ හැටන් දික්ඔය වනරාජා වත්ත ප්‍රදේශයේදීය.

ධාවනය වෙමින් තිබූ ලොරි රථය මාර්ගයෙන් ඉවතට පැන පෙරළී ඇති බවත් අනතුරින් පසු ලොරි රථය ධාවනය කළ රියදුරා අතුරුදහන් වී ඇති බවත් පොලිසිය කීය.

ලොරි රථයේ මුහුණ දික්ඔය ඇළ දෙසටත් බද කොටස ප්‍රධාන මාර්ගය දෙසටත් සිටින සේ පෙරළී ඇත.

අධික වේගය සහ  රියදුරාගේ නොසැලකිලිමත් රිය ධාවනය හේතුවෙන් අනතුර වන්නට ඇති බව හැටන් පොලිසිය පැවසීය.