( සිතුම් චතුරංග)
යුද හමුදාව විසින් භාවිතාකරන ලද කිලිනොච්චිය  කරච්චි ප්‍රාදේශිය ලේකම් කොට්ඨාසයට අයත් ඉඩම් අක්කර 23.05ක්  කිලිනොච්චිය ආරක්ෂක සේනා ආඥාපති මේජර් ජෙනරාල් විජිත රවිප්‍රිය මහතාගේ විසින් අද (15) කිලිනොච්චිය දිස්ත්‍රික් ලේකම්වරයා වෙත භාරදෙනු ලැබීය.
 

මුල් පදිංචිකරුවන් වෙත ඉඩම් නිදහස් කිරීමේ වැඩසටහන යටතේ කිලිනොච්චිය ක්‍රිෂ්ණපුරම් ග්‍රාම සේවා වසමේ ඉඩම්  මෙලෙස  යුද හමුදාව විසින් කිලිනොච්චිය දිස්ත්‍රික් ලේකම් සුන්දරම් අරුමෙයිනායගම් මහතා වෙත භාරදීම සිදුකෙරිණි.
 
මෙහිදී අදහස් දැක්වූ කිලිනොච්චිය ආරක්ෂක සේනා අඥාපති මේජර් ජෙනරාල් විජිත රවිප්‍රිය මහතා පවසා සිටියේ යුද්ධයෙන් පසුව කිලිනොච්චිය ආරක්ෂක සේනා මූලස්ථානය හා අවට යුද හමුදා කඳවුරු හි තිබූ සිවිල් ජනතාවගේ ඉඩම් අක්කර 27352.45 මුල් පදිංචිකරුවන් වෙත ලබාදී අවසන් බවයි.
 
යුද හමුදාව විසින් භාවිතා කරන සිවිල් ජනතාවගේ ඉඩම් තවදුරටත් නිදහස් කරමින් පවතින බවත් එම ඉඩම් මේ වන විට හදුනාගෙන ඇති අතර ඒ අනුව හදුනාගත් ප්‍රදේශයක් ලෙස ක්‍රිශ්ණපුරම් හි ඉඩම් මෙලෙස නිදහස් කළ බව පැවසීය.
 
සිවිල් ජනතාවගේ අභිවෘධිය වෙනුවෙන් මෙලෙස ඉඩම් ලබාදීම තවදුරටත් සිදුකරගෙන යන බවද රවිප්‍රිය මහතා වැඩිදුරටත් පැවසීය.
 
වැඩසටහන් අවස්ථාව සඳහා කිලිනොච්චිය ආරක්ෂක සේනා මූලස්ථානයේ උසස් හමුදා නිලධාරීහු පිරිසක් එක්ව සිටියහ.