(ඩී.කේ.රත්න)
 
ඌවපරණගම අඹගස්දෝව නව නගරය ආසන්නයේදී අද (16) මෝටර් රථයක් මාර්ගයෙන් ඉවතට පැන පෙරළීයාමෙන් එකම පවුලේ සිව්දෙනෙකු බරපතල තුවාල ලබා ඌවපරණගම දිසා රෝහලට ඇතුළත් කර ඇතැයි අඹගස්දෝව පොලිසිය පවසයි.
 
ඉන් එක් අයෙකු වැඩිදුර ප‍්‍රතිකාර සඳහා වැලිමඩ මූලික රෝහලට මාරුකර යවා ඇත.
 
අඹගස්දෝව නව නගරය ප‍්‍රදේශයේ සිට ඌවපරණගම ලූනුවත්ත මාර්ගයේ ගමන්ගත් මෝටර් රථය මාර්ගයෙන් ඉවතට පැන වේල්ලක හැපී පෙරළීයාමෙන් මෙම අනතුර සිදු තිබේ.
 
මෙම අනතුරට ලක්වූ පිරිස අතර කාන්තාවෝ දෙදෙනෙක්, පිරිමි පුද්ගලයෙක් සහ වයස අවුරුද්දක කුඩා දරුවෙක්ද වෙති.
 
අනතුරින් මෝටර් රථයටද දැඩි හානි සිදුව තිබෙන අතර අනතුරට හේතුව මෙතෙක් අනාවරණය වී නොමැත. 
 
අඹගස්දෝව පොලිසියේ රථ වාහන අංශය වැඩිදුර පරීක්ෂණ පවත්වයි.