(රොහාන් කුමාර දිසානායක)
අලව්ව මා ඔයේ තිබී හමු වූ නාදුනන තරුණයින් දෙදෙනාගේ මළ සිරුරු වලින් එක් අයෙකුගේ දේහය අද (04) කෑගල්ල රෝහලේ මෘත ශරීරාගාරයේ දී ඥාතීන් විසින් හඳුනාගෙන ඇතැයි කෑගල්ල රෝහල් පොලිසිය කියයි.
හඳුනාගෙන ඇති තරුණයාගේ පශ්චාත් මරණ පරීක්ෂණය සිදු කිරීම සඳහා වරකාපොල වැඩබලන මහේස්ත්රාත් නිහාල් උපාලි රණසිංහ මහතාගේ නියෝග මත කෑගල්ල මහ රෝහලේ අධිකරණ වෛද්යවරයා පශ්චාත් මරණ පරීක්ෂණය සිදුකරමින් විවෘත තීන්දුවක් ලබා දුන් අතර පසුව ශරීර කොටස් රජයේ රස පරීක්ෂකවරයා වෙත ඉදිරිපත් කිරීමට කටයුතු කළේය.
ඥාතීන් විසින් හඳුනාගත් තරුණයා වේයන්ගොඩ ප්රදේශයේ පදිංචි භාතිය ද සිල්වා නැමති 21 හැවිරිදි තරුණයකු බව පොලිසිය කියයි.
අලව්ව මහ පාලම ආසන්නයේ මා ඔයේ නාදුනන මළසිරුරු දෙකක් තිබෙන බවට වරකාපොළ පොලිසිය වෙත ලැබුණු තොරතුරකට අනුව ඊයේ 03 සවස මෘත දේහයන් මා ඔයෙන් ගොඩගෙන තිබේ.
මියගොස් සිටි අනෙක් තරුණයාගේ වයස අවුරුදු 30 ක් පමණ වන බවත් සිද්ධිය සම්බන්ධයෙන් වරකාපොල පොලිසිය වැඩිදුර පරීක්ෂණ සිදු කරන බවත් පොලිස් නිලධාරියෙකු සඳහන් කළේය.
මේ වෙනවිට හඳුනානොගත් තරුණයාගේ දේහය කෑගල්ල මහ රෝහලේ මෘත ශරීරාගාරයේ තැම්පත් කර ඇති අතර දේහය හඳුනාගැනීම සඳහා පොලිසිය මහජන සහය පතයි.
2025 නොවැම්බර් මස 21
171
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
240
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1113
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
මා ඔයේ තිබී හමු වූ සිරුරු දෙකෙන් එක් සිරුරක් හඳුනාගනී