(ගාමිණි බණ්ඩාර ඉලංගන්තිලක)

මස්කෙළිය සාමිමලේ, ගවරවිල තේ වතුයායේ බාග්‍රෝ කොටසේ වතු නිවාස පේළියක පිහිටි නිවසක අද (10) පස්වරුවේ ඇතිවූ හදිසි ගින්නක් හේතුවෙන් එම නිවසේ උඩු මහළ සම්පූර්ණයෙන් දැවී විනාශයට පත්ව තිබේ.

ගින්න ඇතිවන අවස්ථාවේ නිවැසියන් තේ වතුයායේ දෛනික සේවය සඳහා ගොස් සිටි නිසා කිසිවෙකුටත් අනතුරක් සිදුව නොමැත.

එම වතු නිවාස පේළියේ පදිංචි වතු කම්කරුවන් ඇතුලු පිරිසක්  මෙම ගින්න පැතිරයාම වළක්වා වහා ගින්න නිවා දැමීමට පියවර ගැනීම නිසා අනෙකුත් නිවාස වලට සිදුවීමට තිබූ අනතුර වළක්වාගෙන ඇත. මෙම ගින්නෙන් එම නිවසේ ගෘහ භාණ්ඩ, ඇඳුම් පැළඳුම් දැවී විනාශයට පත්ව තිබේ.

මෙම නිවසේ පදංචිව සිටි කුඩා ළමයින් ඇතුලු දස දෙනෙක් අවතැන්ව ඔවුගේ ඥාතීන්ගේ නිවාසවල තාවකාලිකව ලැගුම්ගෙන සිටිති.

ගින්නට හේතුව විදුලි කාන්දුවක් බවට සැකකරන බවත් සිද්ධිය සම්බන්ධයෙන් වැඩිදුර පරීක්ෂණ පවත්වන බවත් මස්කෙළිය පොලිසිය පවසයි.