බීමතින් රිය පැදවූවාට අසූදහසක දඩයක්
(සම්පත් ප්‍රියනන්දන සහ නාලක ජේ හෙට්ටිආරච්චි)
රක්ෂණ සහතිකයක්, රියැදුරු බල පත්‍රයක් සහ ආදායම් බලපත්‍රයක් නොමැතිව බීමතින් ත්‍රිරෝද රථයක් පැද වූ රියදුරකුට රුපියල් 80,000ක දඩ මුදලක් ගෙවන ලෙස බලන්ගොඩ මහෙස්ත්‍රාත් ජයරුවන් දිසානායක මහතා අද (17) නියෝග කළේය.
බලන්ගොඩ ඉඹුලපේ අලුත්නුවර ප්‍රදේශයේ පදිංචි ඩී. පී. තුසිත සම්පත් නැමැත්තෙකුට මෙලෙස දඩ නියම විය.
කොළඹ බදුල්ල ප්‍රධාන මාර්ගයේ බලන්ගොඩ පොලිස් බල ප්‍රදේශයට අයත් අලුත්නුවර ප්‍රදේශයේ රථවාහන පරීක්ෂා කිරීමේදී රාජකාරියේ නිරත වූ නිලධාරීන් කණ්ඩායමක් මෙම ත්‍රිරෝද රථ රියැදුරු අත්අඩංගුවට ගෙන බලන්ගොඩ මහෙස්ත්‍රාත්වරයා හමුවට ඉදිරිපත් කිරීමෙන් පසු මෙලෙස දඩ නියම විය.
රක්ෂණ සහතිකයක් නොමැති වීමට රැපියල් 25,000 ක්, රියැදුරු බලපත්‍රයක් නොමැතිව ත්‍රිරෝද රථය පැදවීමට රුපියල් 2,5000 ක්, ආදායම් බලපත්‍රයක් නොමැතිව රිය ධාවනයට රුපියල් 5,000 ක් සහ බීමතින් රිය පැදවීමට රුපියල් 25,000 ක ලෙස මෙම දඩය නියම විය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
