(සම්පත් ප්‍රියනන්දන සහ නාලක ජේ. හෙට්ටිආරච්චි)

බලපත්‍ර නොමැතිව  මහෝගනී දැව ළඟ තබාගත් පුද්ගලයකුට රුපියල් 50,000ක දඩ මුදලක් ගෙවන ලෙස බලන්ගොඩ මහේස්ත්‍රාත් ජයරුවන් දිසානායක මහතා අද(13) නියෝග කළේය.

මෙසේ දඩ නියම වූයේ, බලන්ගොඩ කල්තොට මාර්ගයේ  පදිංචි  තවුල් හමිඩ් මොහාමඩ්  හකිෂ්  මොහිදීන්  නැමැති (48) පුද්ගලයකුටය.

බලන්ගොඩ අඩවි වන නිලධාරීන්  කණ්ඩායමක්  පෙරේදා   (11) මෙම වැටලීම මහෝගනී දැව තොගය සමග  සැකකරු අත්අඩංගුවට  ගෙන ඔහුට එරෙහිව නඩු පවරා බලන්ගොඩ මහෙස්ත්‍රාත්වරයා හමුවට ඉදිරිපත් කිරීමෙන් පසු මෙලෙස දඩ නියම විය.

බලන්ගොඩ අඩවි වන  නිලධාරී  විජයන්ත උපුල් , බීක්කු වන නිලධාරි  ඩී. පී. වර්ෂ විතාන,  බීක්කු වන නිලධාරි  ඩබ්ලිව්. ඒ. අබේගුණවර්ධන සහ වන ක්ෂේත්‍ර  සහකාර නිලධාරීන්  එන්. පී. රෝහණ  යන නිලධාරීහු මෙම වැටලීමට එක්ව සිටියහ.