(දිලීප් ජයසේකර)
අම්බලන්තොට මදුනාගල උණුදිය උල්පත් පිහිටි කැලෑව තුළදී මීට වසර 37කට පෙර 15 හැවිරිදි පිරිමි දරුවෙකුට පොල්ලකින් පහරදී, වස පොවා, බෙල්ල කපා ඝාතනය කිරීමේ වරදට වරදකරු වූ 61 හැවිරිදි පුද්ගලයෙකුට හම්බන්තොට මහාධිකරණ විනිසුරු තාමර තෙන්නකෝන් මහතා අද (24) මරණ දඩුවම නියම කළේය.
මෙලෙස මරණ දඩුවම නියම වුයේ අදුපැලෑන, කොහොඹගහවත්ත, රන්න පදිංචි සය දරු පියෙකු වු ජයසේකර විදානපතිරණගේ පියදාස හෙවත් කදිරා නැමැත්තාටය.
1982.03.11 වන දින මදුනාගල උණුදිය උල්පත් පිහිටි කැලෑ ප්රදේශයේදී පුද්ගලයන් සිව් දෙනෙකු සමග විහාරගල, සුරියවැව පදිංචිව සිටි 15 හැවිරිදි ඇල්ලෙවෙල පහළගේ විමල් වීරසිංහ නැමති අය ඝාතනය කිරීමේ වරදට වරදකරු බවට පත් විය.
සැකකරුට වයස අවුරුදු 24 දී මෙම ඝාතනය සිදු කර ඇත්තේ තවත් පුද්ගලයෙකුගෙන් ලැබුණු කොන්ත්රාත්තුවකට අනුවය. සිද්ධිය සම්බන්ධයෙන් පරීක්ෂණ පැවැත් වූ අම්බලන්තොට පොලීසිය මිනීමැරීම සදහා කොන්ත්රාත්තුව ලබා දුන් පුද්ගලයා, මරණ දඩුවම හිමි වූ පුද්ගලයා ඇතුළු පුද්ගලයන් සිව් දෙනෙකු සැකපිට අත්අඩංගුවට ගෙන හම්බන්තොට මහේස්ත්රාත් අධිකරණය හමුවට ඉදිරිපත් කිරීමට පියවර ගෙන තිබුණි.
අධිකරණයට ඉදිරිපත් කෙරුණු සැකකරුවන් සිව්දෙනාට එරෙහිව නීතිපතිවරයා විසින් 2000 වසරේදී මිනි මැරීමේ චෝදනා යටතේ හම්බන්තොට මහාධිකරණයේ නඩු පැවරීම සිදුකර ඇත.
නඩු විභාගය පැවැත්වෙන අතරවාරයේ මෙම මිනීමැරුම සදහා කොන්ත්රාත්තුව ලබා දුන් බව කියන පුද්ගලයා මිය ගොස් තිබේ. පසුව ඉතිරි සැකකරුවන් තිදෙනාට එරෙහිව නඩු විභාගය පැවති අතර එහිදී 03 සහ 04 යන චුදිතයින් අදාල චෝදනාවලින් නිදොස්කර නිදහස් කෙරුණු අතර 02 වන චුදිත වු අදුපැලෑන, කොහොඹගහවත්ත, රන්න පදිංචි සය දරු පියෙකු වු ජයසේකර විදානපතිරණගේ පියදාස හෙවත් කදිරා නැමැත්තාට මහාධිකරණ විනිසුරු වරයා මරණ දඩුවම නියම කෙරුණි. ඒ විත්තිකරුට එරෙහිව නගා තිබූ චෝදනා සාධාරණ සැකයෙන් ඔබ්බට ඔප්පුවීම හේතුවෙනි.
විත්ති කරුවන්ට එරෙහිව හම්බන්තොට මහාධිකරණ හමුවේ පවරා තිබූ නඩු විභාගය අවසන් කරමින් 03 හා 04 යන විත්තිකරුවන් අදාළ චෝදනාවෙන් නිදොස් කර නිදහස් කෙරුණු අතර 02 වන විත්තිකරුට එරෙහිව මරණීය දණ්ඩනය නිමය කළ හම්බන්තොට මහාධිකරණ විනිසුරු තාමර තෙන්නකෝන් මහතා විත්තිකරු ජනාධිපතිවරයා විසින් නියම කරන ස්ථානයකදී වේලාවකදී ගෙළ වැළලා මරණයට පත් කරන තෙක් වැලිකඩ බන්ධනාගාරයට රැගෙන ගොස් එහි සිරකර තබන ලෙසට නියෝග කෙරුණි. පැමිණිල්ල වෙනුවෙන් රජයේ අධිනීනිතීඥ ගයාන් ලක්රුවන් පෙරේරා මහතා පෙනි සිටියේය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පුද්ගල ඝාතනයකට වසර 37 කට පසු මරණ දඬුවම්