(බිමල් ශ්‍යාමන් ජයසිංහ)

පානදුර වෙරළ උද්‍යානය ආසන්නයේ මුහුදු වෙරළට ගොඩ ගසා තිබූ පුද්ගල මළ සිරුරක් අද(13) හමු වූ බව පානදුර දකුණ පොලිසිය පවසයි.
 
මුහුදු වෙරළට මළ සිරුරක් ගොඩ ගසා ඇති බවට පොලිස් හදිසි දුරකථන ඇමතුමට ලද පණිවුඩයක් අනුව එය සොයා ගෙන ඇත.
 
අවුරුදු 60-67ත් අතර වයසක පසුවන පිරිමි පුද්ගලයකුගේ මළ සිරුරක්  බවද, සරමකින් සහ අත්කොට කමිසයකින් සැරසී සිටි බවද පොලිසිය කියයි.
 
මෙම තැනැත්තා ඊයේ(12) දවස පුරා මුහුදු වෙරළ ආසන්නයේ සිටිමින් පොල් රා පානය කරමින් සිටි බවට තොරතුරු හෙළි වී ඇතැයි පොලිස් නිලධාරියෙක් පැවසීය.
 
මළ සිරුර කවරකුගේදැයි හඳුනාගන්නා තෙක් පානදුර මූලික රෝහලේ තැන්පත් කළ බව පොලිසිය පවසයි.