(ඔගස්ටින් ප්‍රනාන්දු)

මාරවිල මුදු කටුවේ අලුතින් ඉදි කරණු ලබන නිවසක ඉදි කිරි‍ම් සදහා යොදා ගත් යකඩ පලංචියකින් බිමට වැටි බරපතල තුවාල ලබා මාරවිල මුළික රෝහලට ඇතුළත් කර සිටි තරුණයකු අද ( 2) මිය ගොස් ඇති බව පොලිසිය කියයි.

මෙසේ මිය ගොස් ඇත්තේ මාරාවිල ඉහළ කටුනේරිය නාකැලේ වත්තේ විසු වර්ණකුලසුරිය ලේකම්ලාගේ ගයාන් සදුන් ජයශාන්ත ( 22) නමැති අවිවාහක තරුණයෙකි.

ඔහු මෙම නිවස ඉදි කිරිමේ කටයුතු වල අත් උදව්කරුවෙකුව සේවය කළ බවත් කියයි.

මිය ගිය තරුණයා අද ( 2දා ) දහවල් අඩි පහලොවක් පමණ උසැති යකඩ පලංචියක නැග අත් උදව්කතරමින් සිටිය දි පය ලිස්සදා බිම වැටි බරපතල ලෙසින් තුවාල ලබා ඇති බවත් කියයි.

මාරවිල පොලිසිය පරික්ෂණ සිදු කරයි.