(හිරාන් ප්‍රියංකර ජයසිංහ)

නීති විරෝධී දුම්වැටි තොගයක් වෑන් රථයකින් රැගෙන යමින් සිටි සැකකරුවන් දෙදෙනෙකු පුත්තලම පොලිස් විශේෂ කාර්ය බලකා කඳවුරේ නිලධාරීන් විසින් අද (06) කරුවලගස්වැවදී අත්අඩංගුවට ගෙන ඇත.

මෙසේ අත්අඩංගුවට ගෙන ඇත්තේ ආණමඩුව නගරයේ පදිංචි සැකකරුවන් දෙදෙනෙකි.

පොලිස් විශේෂ කාර්ය බලකායේ පුත්තලම කඳවුරේ නිලධාරීන්ට ලැබුණ තොරතුරක් මත අදාල සැකකරුවන් හා රුපියල් ලක්ෂ හයකට ආසන්න සිගරට් 8400 ක් වෑන් රථයකින්  ප්‍රවාහනය කරමින් සිටියදී  අත්අඩංගුවට ගෙන ඇත.

අත්අඩංගුවට ගත් සිගරට් තොගය විදේශ රටකින් තීරු බදු රහිතව රැගෙන විත් ඇති බවත් එසේ රැගෙන එන සිගරට්  වෙළද සැල් වෙත අලෙවි කිරීම සිදුව ඇති බවත් විමර්ශනවලදි හෙළිවි තිබේ.

එසේම මෙම සිගරට් ශ්‍රී ලංකාව තුල අළෙවි කිරීම තහනම් බව පොලිස් විශේෂ කාර්ය බලකා කඳවුරේ නිලධාරීයෙක් පැවැසීය.

අත්අඩංගුවට ගත් සිගරට් තොගය , සැකකරුවන් සහ වෑන් රථය සාලියවැව පොලිසියට භාර දී ඇත.

සැකකරුවන්  හෙට (07) පුත්තලම අධිකරණයට ඉදිරිපත් කිරීමට නියමිතව තිබේ.