(කලවාන උපේන්ද්‍ර ප්‍රියංකර ජාතුංගම)

කලවාන දෙල්ගොඩ පුබුදුගම පෞද්ගලික විදුලි බලාගාරයක සේවය කළ පුද්ගලයකුගේ මළ සිරුරක් අද (26) දෙල්ගොඩ ගඟේ තිබියදී සොයාගත් බව කලවාන පොලීසිය කියයි.

මෙලෙස මියගොස් ඇත්තේ කලවාන වතුරාව ප්‍රදේශයේ පදිංචි සී .සරත් නැමැති 48 හැවිරිදි පුද්ගලයකු බව කලවාන පොලිසිය පවසයි.

මියගිය පුද්ගලයා පෙරේදා (24) දහවල් සේවයට පැමිණ ඇති අතර ඔහු අතුරුදන් වී ඇතිබවට ලැබුණු පැමිණිල්ලක් අනුව කලවාන පොලිසිය, නාවික හමුදාවේ සහාය ඇතිව ප්‍රදේශයේ මෙහෙයුමක් දියත් කර අද (26) ඔහු සේවය කළ විදුලි බලාගාරය අසල ගඟේ තිබී ඔහුගේ මෘතදේහය සොයාගෙන තිබේ.

සිද්ධිය සම්බන්ධයෙන් කලවාන පොලිස් ස්ථානාධිපති ප්‍රධාන පොලිස් පරීක්ෂක එස්.කේ.සී.එස් දයාවංශ මහතාගේ මූලිකත්වයෙන් කලවාන පොලීසිය විසින් සිදුකරයි.