(ඩබ්.ඒ.පියතිලක)
හිගුරක්ගොඩ පිංපාර ප්‍රදේශයේදී දේශපාලන පක්ෂ දෙකක දෙපිරිසක් අතර ඇති වූ ගැටුමකදී පුද්ගලයින් පස්දෙනෙකු තුවාල ලබා හිගුරක්ගොඩ රෝහලට ඇතුළත් කළ බව හිගුරක්ගොඩ පොලිසිය පවසයි.
පොදුජන පෙරමුණේ ජයග්‍රාහණය වෙනුවෙන් කිරි ඉතිරවීම සඳහා සුදානම් වෙමින් සිටිය දී එක්සත් ජාතික පක්ෂයට අයත් පිරිසක් මෙම පිරිසට පහර දී ඇති බව පහර කෑමට ලක් වු පිරිස පවසති.
මෙම පහර දීම හේතුවෙන් පස්දෙනෙකු තුවාල ලබා හිගුරක්ගොඩ රෝහලට ඇතුළත් කිරීමෙන් පසු එම රෝගීන්ගෙන් සිව්දෙනෙකු පොළොන්නරුව මහ රෝහල වෙත වැඩිදුර ප්‍රතිකාර සඳහා යවා ඇති අතර එක් අයෙකු හිඟුරක්ගොඩ රෝහලේ නේවාසික ප්‍රතිකාර ලබයි.
පහරදීම හේතුවෙන් ත්‍රීවිල් රථයකට ද අලාභ හානි සිදු කර ඇති අතර මෙම පහරදීම සම්බන්ධ පුද්ගලයන් අත්අඩංගුවට ගැනීම සඳහා හිගුරක්ගොඩ පොලිසිය පරීක්ෂණ පවත්වයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
