2025 දෙසැම්බර් මස 29 වන සඳුදා
(නිමල් ජයරත්න)
දිඹුලාගල ප්රාදේශීය සභාවේ මාසික රැස්විම වාර්තා කිරිමට ගිය විද්යුත් හා මුද්රිත මාධ්යවේදින්ට සභාවේ උපසභාපති (එ.ජා.ප) සිසිර කුමාර දේශප්රිය මහතා තහංචි පනවා දෝෂාරෝපණය කිරිමත් සමඟ ඊට විරෝධය පළ කර මාධ්යවේදීයෝ පිටව ගියහ.
මාධ්යවේදින්ට ඕනි ඕනි විදිහට සභාවේ මන්ත්රිවරුන් විඩියෝ කරන්න බැහැ ෆොටෝ ගන්නත් බැහැ. ෆෝන් සේරම ඕෆ් කරගන්නත් ඕනි, විඩියෝ, ෆොටෝ ගන්නවා නම් එක තැනක ඉදගෙන කරන්න යැයිද උපසභාපතිවරයා ආවේගශීලිව සභාව අතරතුර ප්රකාශ කළේය.
දිඹුලාගල ප්රාදේශීය සභාවේ සභාපති ජයන්ත මාරසිංහ මහතාගේ ලිඛිත ආරාධනයෙන් දිඹුලාගල ප්රාදේශීය සභාවේ 18 වෙනිදා පැවැති මාසික සැසිවාරය වාර්තා කිරිමට ගොස් සිටි විද්යුත් හා මුද්රිත මාධ්යවේදින් 6 දෙනෙකු මෙහිදි තම කණගාටුව හා විරෝධය ප්රකාශ කිරිමින් පිටව ගියහ.
සභාවට අයත් සහ අයත් නොවන රථවාහන වලින් සිදුකර ඇති ඉන්ධන වංචාවන් පිළිබඳව සභාවේ ලේකම්වරිය විසින් හෙළිදරව් කිරිමත් සමඟ උරණ වු ප්රාදේශීය සභාව මෙහෙයවමින් සිටි උපසභාපතිවරයා මාධ්යවේදින්ට ද තහංචි දමා ඒවා මාධ්යයේ පලවේ යැයි බියට මේ තිරණය ගන්නට ඇතැයි පිටව ගිය මාධ්යවේදින් පැවසුහ.
සභාරැස්විමට පැමිණ සිටි එ.ජා.ප ප්රාදේශිය සභා මන්ත්රි අමිල අබේකෝන් මහතාද උපසභාපතිවරයාගේ තීරණය අනුමත කරමින් පැමිණ සිටි මාධ්යවේදින් සමච්චලයට ලක් කිරිම පිලිබද දිඹුලාගල මාධ්යවේදින්ගේ කණස්සල්ල ප්රකාශ කළහ.
මාධ්යවේදින් පිටව යන අවස්ථාවේදී ශ්රී ලංකා පොදුජන පෙරමුණේ ප්රාදේශිය සභාවේ විපක්ෂ නායක ලයනල් රංජිත් කහගල්ල මහතා මාධ්යවේදින් සමඟ පැවසුවේ මේ පිළිබඳව තමාගේ බලවත් කණගාටුව ප්රකාශ කරන බවත් ඇති වු තත්වය පිලිබදව ලිඛිතව ඊලග සභාවාරයේ දී සභාපති ජයන්ත මාරසිංහ මහතාව දැනුවත් කරන ලෙසයි.
අප මාධ්යවේදින්ට සභාවේ ඇති වූ අපහසුතාවය පිළිබඳව දිඹුලාගල ප්රාදේශීය සභාවේ සභාපති ශ්රී.ල.නි.ප.යේ ජයන්ත මාරසිංහ මහතා දුරකතනයෙන් කළ විමසිමකදි පැවැසුවේ මේ සම්බන්ධයෙන් තම බලවත් කනගාටුව ප්රකාශ කරන බවත් මාධ්යවේදින් සභාව තුළ කැමරා සහ ජංගම දුරකතන භාවිතා කිරිම පිළිබඳව තමා මෙතෙක් තහංචියක් නොදමා ඇති බවයි.
2025 දෙසැම්බර් මස 18
681
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
327
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1115
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
දිඹුලාගල ප්රා. සබේ රැස්වීමට ගිය මාධ්යවේදීන්ට තහංචි දමයි