( ඩී.කේ.රත්න )

වැලිමඩ බොරලන්ද ප‍්‍රධාන මාර්ගයේ ගුරුතලාව කරගස්තැන්න ප‍්‍රදේශයේදී අද (18) ත‍්‍රීරෝද රථයක් මාර්ගයෙන් ඉවතට පැන වේල්ලක හැපී පෙරළීමෙන් තරුණයකු මියගොස් ඇතැයි බෝගහකුඹුර පොලීසිය පවසයි.

බොරලන්ද තලහින්නාගොඩ පදිංචි ජී.ඒ.සම්පත් නැමති 19 හැවිරිදි තරුණයකු මෙම අනතුරින් මියගොස් තිබේ.

බොරලන්ද ප‍්‍රදේශයේ සිට වැලිමඩ ප‍්‍රදේශයට ධාවනය වෙමින් තිබූ මෙම ත‍්‍රීරෝද රථය ඉදිරියෙන් වැලිමඩ දෙසටම ධාවනය වූ ත‍්‍රීරෝද රථයකට ඉස්සර කිරීමට යාමේදී මාර්ගයෙන් ඉවට පැන වේල්ලක හැපී ඇත.

මෙම සිද්ධියට සම්බන්ධ අනෙක් ත‍්‍රීරෝද රථයේ රියදුරු බෝගහකුඹුර පොලීසිය මගින් අත්අඩංගුවට ගනු ලැබීය. මියගිය තරුණයාගේ මෘත දේහය මේ වන විට දියතලාව මූලික රෝහලේ තැන්පත් කර තිබේ.