ගිනි අවි - උණ්ඩ සමඟ තිදෙනෙක් අත්අඩංගුවට

(ඩී.ජී.සුගතපාල)

පොලිස් විශේෂ කාර්ය බලකායේ නිලධාරින් විසින් දික්වැල්ල පොලිස් වසමේ ස්ථාන කිහිපයකදි සිදු කරන ලද සෝදිසි මෙහෙයුමකදි  ගිනි අවි හා උණ්ඩ සමඟ පුද්ගලයින් තිදෙනෙකු අද (15) රාත්‍රී අත්අඩංගුවට ගෙන ඇත.

දික්වැල්ල කොන්දෙණිය පදිංචි පුද්ගලයෙකු සන්තකයේ තිබි විදේශිය රටක නිෂ්පාදිත රිවෝලවරයක් සහ මිලි මීටර් 9 වර්ගයේ උණ්ඩ පහක්ද නාකුළුගමුව ගලගම බටහිර ප්‍රදේශයේ පුද්ගලයෙකු සන්තකයේ තිබී රිවෝලවරයක්ද , වලස්ගල පස්වන පටුමගේ පදිංචි පුද්ගලයෙකු සන්තකයේ තිබී බෝර 12 ගිනි අවියක් මෙසේ සොයාගෙන ඇත.

සැකකරුවන්ගේ නිවෙස්වල සඟවා තිබියදි මෙම ගිනි අවි සහඋණ්ඩ සොයාගෙන ඇති අතර සැකකරුවන් හෙට මාතර මහේස්ත්‍රාත් අධිකරණයට ඉදිරිපත් කිරිම සඳහා දික්වැල්ල පොලිසියට බාරදි තිබේ.