2020 ඔක්තෝබර් මස 31 වන සෙනසුරාදා
ගිනි අවි තුනක් සමඟ දෙදෙනෙකු අත්අඩංගුවට
(හේමලතා ඩී.හේවගේ)
ගිරිඋල්ල පොලිස්වසමේ හමන්ගල්ල සහ බෝගහයාය ප්‍රදේශවල කළ මෙහෙයුමකදී ගිනි අවි 3 ක් සහ ජීව උණ්ඩ 14 ක් සමග සැකකරුවන් දෙදෙනෙකු අද(01) අත්අඩංගුවට ගත් බව කොළඹ විශේෂ කාර්ය බලකා මූලස්ථානයේ නිලධාරීහු කීහ.
බෝර 12 ගිනි අවි 2 ක් සහ ජීව උණ්ඩ 14ක් සමග අත්අඩංගුවට ගත් සැකකරු හමන්ගල්ල ප්‍රදේශයේ පදිංචි 50 හැවිරිදි අයෙකු බවත්, ගිරිඋල්ල බෝගහයායේ පදිංචි 53 හැවිරිදි සැකකරුගේ නිවස පරීක්ෂා කිරීමේදී ගල්කටස් වර්ගයේ ගිනි අවිය සොයාගැනීමට හැකිවූ බවත් වැටලීමට සහභාගීවූ නිලධාරීහු පැවසූහ.
අවිස්සාවේල්ල ප්‍රදේශයේදී අත්අඩංගුවට ගත් පුද්ගලයෙකුගෙන් ලැබුණු තොරතුරකට අනුව සැකකරුවන්ගේ නිවෙස් පරීක්ෂා කිරීමේදී මෙම ගිනි අවි සහ ජීවඋණ්ඩ සොයා ගැනීමට හැකිවී ඇතිබවද සඳහන් වේ.
විශේෂ කාර්ය බලකා මූලස්ථානයේ පොලිස් පරීක්ෂක මධුරංග මහතා ඇතුළු කණ්ඩායමක් අත්අඩංගුවට ගත් සැකකරුවන් සමග නඩු භාණ්ඩ අධිකරණය වෙත ඉදිරිපත් කිරීම සඳහා ගිරිඋල්ල පොලිස්ථානයට භාරදී ඇත.
ගිරිඋල්ල පොලිසිය වැඩිදුර පරීක්ෂණ පවත්වයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
