(බිමල් ශ්‍යාමන් ජයසිංහ)

බණ්ඩාරගම අටුලුගම එපිටමුල්ල ප්‍රදේශයේ නීතිවිරෝධී අයුරින් පවත්වාගෙන ගිය ගව ඝාතකාගාරයක් වටලා මරා දමා තිබූ ගවයකුගේ මස් සමඟ සැකකරුවන් දෙදෙනකු අද (21) අත්අඩංගුවට ගත් බව බණ්ඩාරගම පොලිසිය පවසයි.

එම සැකකරුවන් සමඟ මැරීමට සුදානම් කර සිටි මී ගවයකු හා තවත් එල ගවයකු- තියුණු ආයුධ හා කඹ ඇදි උපකරණ රැසක් පොලිසිය බාරයට ගෙන ඇත.

බණ්ඩාරගම පොලිසියට ලැබුණු තොරතුරක් අනුව මෙම වැටලීම සිදුකර තිබේ. අත්අඩංගුවට ගත් සැකකරුවන් දෙදෙනා පානදුර මහේස්ත්‍රාත් අධිකරණයට ඉදිරිපත් කිරිමට නියමිතය.