දැනට රත්තොට කොට්ඨාසයේ පවතින වතුවල සේවය කරන පවුල් සඳහා මාසික වැටුපෙන් අයවන පරිදි අත්‍යවශ්‍ය ද්‍රව්‍ය බෙදා දීමේ වැඩසටහනක් වතු අධිකාරි මගින් ආරම්භ කර ඇත.මීට අමතරව රත්තොට හින්දු සහ මුස්ලිම් ආගමික මධ්‍යස්ථාන මගින් මේ වනවිට වතු ආශ්‍රීත ප්‍රජාවට අවශ්‍ය ද්‍රව්‍ය නොමිලේ බෙදා හැරිමේ කටයුතු සම්පාදනය කරමින් පවතී.මේ යටතේ විහාරගම වත්ත සඳහා අවශ්‍ය ද්‍රව්‍ය බෙදාදීම කඩිනමින් සිදුකරන අතර සෙසු වතු සඳහා කඩිනමින් අදාල කටයුතු සිදු කරනු ඇත.
එසේම රෝග ව්‍යප්තිය නවතා ලීම සඳහා පිට ප්‍රදේශවලින් වතු වෙත පැමිණෙන පුද්ගලයන් පිළිබඳව රත්තොට සෞඛ්‍ය වෛද්‍ය නිලධාරී කාර්යාලය මගින් කඩිනමින් සොයා බලා කටයුතු සිදු කරයි.
නිශ්පාදන මිලදී ගැනීමේ කටයුතු ක්‍රමවත් කිරීම අනුව ගොවින්ගේ එළවළු සාධාරණ මිලට ගමට පැමිණෙන ජංගම රථ මගින් මිලදී ගැනීම සහ වියලි ගම්මිරස්,වියලි කරාඹු නැටි ආදිය මිලිදී ගැනීම පිළිබඳව මෙහිදි සාකච්ඡා විය.වසම් සඳහා දැනුවත් කිරීමේ මධ්‍යස්ථානයක් ලෙස විහාරස්ථාන සහ ආගමික ස්ථාන යොදා ගැනීම සහ වසමට අවශ්‍ය ද්‍රව්‍ය පැමිණෙන වේලාව දැනුම් දීම සහ වෙනත් සම්බන්ධීකරණ කටයුතු සඳහා ආගමික ස්ථාන යොදා ගැනේ.
රාජ්‍ය ආයතන රැසක ප්‍රධානීහු,රත්තොට වෙළඳ ප්‍රජාව සහ වෙනත් ආයතන නියෝජනය කරමින් නිලධාරීහු රැසක් මේ අවස්ථාවට එක්වූහ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
