ශ්‍රී ලංකා නාවික හමුදාව හා පොලිසිය එක්ව අද (02) කැබිතිගොල්ලෑව ප්‍රදේශයේ සිදු කළ ඒකාබද්ධ මෙහෙයුමකදී කේරළ ගංජා ග්‍රෑම් 500 ක ප්‍රමාණයක් සමඟ සැකකරුවන් දෙදෙනෙක් (02) අත්අඩංගුවට ගෙන තිබේ.
 
උතුරුමැද නාවික විධානයට අනුයුක්ත නාවිකපුද්ගලයින් පිරිසක් සහ කැබිතිගොල්ලෑව පොලිස් විශේෂ කාර්ය බලකාය එක්ව මාර්ගයේ ගමන්ගත් සැකකටයුතු පුද්ගලයින් දෙදෙනෙක් (02) නිරීක්‍ෂණය කර, වැඩිදුර පරීක්‍ෂා කිරීමේදී සූක්‍ෂම ලෙස ඔවුන් සන්තකයේ සගවා රැගෙන යමින් සිටි කේරළ ගංජා ග්‍රෑම් 500 ක ප්‍රමාණයක් සොයා ගෙන තිබේ.
 
සැකකරුවන් දෙදෙනා සහ කේරළ ගංජා   අත්අඩංගුවට  ගෙන ඇති අතර  සැකකරුවන් වයස අවුරුදු 21 ක් වන එම ප්‍රදේශයේම පදිංචිකරුවන් බවට වැඩිදුරටත් තොරතුරු අනාවරණය වී තිබේ.
 
සැකකරුවන්  පිළිබද වැඩිදුර විමර්ෂණ කටයුතු සඳහා කැබිතිගොල්ලෑව පොලිසිය වෙත භාර දී තිබේ.