(කේ බුද්ධික කුමාරසිරි )
 
මාලබේ පිට්ටුගල ප්‍රදේශයේදී කඩුවෙල මහ නගර සභාවට අයත් කසල රැගෙන යන ට්‍රැක්ටර් රථයක පසුපස රෝදයකට යතුරුපැදිකරුවෙකු යටවීමෙන් අද (19) සවස සිදුවූ අනතුරින් යතුරුපැදිකරු වන යුද හමුදා තූර්ය වාදක කණ්ඩායමේ සාමාජිකයෙකු එම ස්ථානයේදී මිය ගොස් ඇතැයි අතුරුගිරිය පොලිසිය පවසයි.
 
කඩුවෙල මහ නගර සභාවට අයත් කසල රැගෙන යන රථය මාලබේ දෙස සිට කඩුවෙල දෙසට ධාවනය වෙමින් තිබියදී එම දෙසටම ගමන් ගත් අනතුරට සම්බන්ධ යතුරුපැදිය ට්‍රැක්ටර් රථයට වම් පසින් ඉස්සර කිරීමට යාමේදී එම රථයෙහි ගැටී ඇද වැටීමත් සමග යතුරු පැදිකරු ට්‍රැක්ටර් රථයෙහි පසුපස රෝදයට යට වන ආකාරය අසළ වෙළඳසලක ආරක්ෂක කැමරාවක සටහන්ව ඇති බවද පොලිසිය පවසයි.
 
මෙලෙස මිය ගොස් ඇත්තේ කොස්ගම අකරවිට ප්‍රදේහයේ පදිංචිකරුවකු වන යුද හමුදා තූර්ය වාදක කණ්ඩායමේ සාමාජිකයෙකු ද වන 43 හැවිරිදි පුද්ගලයෙකි.

මිය ගිය පුද්ගලයාගේ දේහය මුල්ලේරියාව ප්‍රාදේශීය රෝහලේ මෘත ශරීරාගාරයේ තබා ඇති ඇත.