(අජිත්ලාල් ශාන්තඋදය)

දින දෙකක් වසා දැමුණු කලවා, මානන  නගරයේ වෙළඳසැල් සුපුරුදු පරිදි  මහජනයා සඳහා අද  (17) යළි විවෘත කිරීමට පියවර ගෙන තිබේ.
 
කලවාන, හඟරංගල පදිංචි,  කන්දකාඩු  පුනරුත්ථාපන කඳවුරේ සේවය කළ යුද හමුදාවේ නිලධාරියෙක් කෝවිඞ් 19  ආසාදිත බව තහවුරුවීම කඩසාප්පු වසා දැමීමට හේතු විය.

එම  නිලධාරියා සිය ගම වු හඟරංගලට පැමිණ, පසුව ආපසු කැඳවාගෙන ගොස් පී සී ආර් පරීක්ෂණයකින් පසු ඔහුට කොරෝනා ආසාදිත බව තහවුරුවී තිබුණි.

 පසුව ඔහුගේ පවුලේ අය සහ සමීපව ඇසුරු කළ අය නිරෝධායනට යොමු කර තිබිණි. නිවාඩුවට ආ හමුදා සෙබළා  කලවාන, මානන නගරයේ මුල්‍ය ආයතනයක් ඇතුලු ස්ථාන ගණනාවකට ගිය බවට තොරතුරු අනාවරණය විමත් සමඟ  ව්‍යාපාරිකයන් විසින් ඉකුත්  14 වැනිදා  වෙළඳසල්  ස්වේච්ඡාවෙන්ම වසා දමනු ලැබීය.
 
වසා දැමුණු වෙළඳසැල් වලින් කිහිපයක් පමණක් ඊයේ  (16)  විවෘත  කරනු ලැබූ අතර අද (17)  වනවිට සියල්ලම පාහේ  විවෘත කර ඇත.
 
කලවාන, මානාන නගරයේ වෙළඳසැල් වසා දැමීමට තමන් කිසිඳු  අවස්ථාවක නියම නොකළ බව පොලිසිය  සහ සෞඛ්‍ය බලධාරීහූ අවධාරණය කළහ.
 
නිරෝධායනයට ලක්කළ යුතු ස්ථාන වලට පමණක ඔවුන් සීමාමායිම් පැනවුවත් කලවාන, මානාන නගරයේ සෙසු වෙළඳසැල් සෞඛ්‍ය උපදෙස් අනුගමනය කරමින් පවත්වාගෙන යාමට අවස්ථාව දී තිබු බවද පැවසීය.
 
කඩසාප්පු විවෘත කිරීමත් සමඟ අවට ගම්වල ජනතාව සිය අවශ්‍යතා මිලදී ගැනීමට 17දා කලවාන මානාන නගරයට පැමිණ සිටියහ.
 
කලාවන නගරය හඳුන්වන්නේ මානාන නමිනි.