(එම්.කේ. නන්දසේන)
කතරගම කසළ ප්‍රතිචක්‍රීකරණ මධ්‍යස්ථානය අසල අලිපැටියෙකු මිය ගොස් සිටියදී අද (24) සොයාගත් බව කතරගම වනජීවී කාර්යාලය කියයි.
අවුරුදු පහක්, හෝ හයක් වයස සිතියහැකි මෙම අලි පැටියා කතරගම ප්‍රාදේශීය සභාව කසළ බැහැර කරන රජමාවත කසළ අංගනය අසළ දින දෙක තුනක් අසනීපව සිට ඇති බවත්, එම අලි පැටියාට වනජීවී නිලධාරීන් ප්‍රථිකාර ලබාදී ඇතැත් අද (24දා) උදෑසන මියගිය බව ඌව කලාපය බාර වනජීවී සහකාර අධ්‍යක්ෂක උපුල් ඉන්ද්‍රජිත් මහතා පැවසීය.
මෙම අලි පැටියා සම්බන්ධයෙන් වනජීවී පශුවෛද්‍ය ආනන්ද ධර්මකීර්ති මහතා පශ්චාත් මරණ පරීක්ෂණය පවත්වා ආහාර සමඟ විෂක් ශරීර ගතවීමෙන් සිදුවූ මරණයක් බවට වාර්තාවක් ලබාදී ඇත.
මෙම අලි පැටියාගේ මරණය සම්බන්ධයෙන් වනජීවී නිලධාරීන් තිස්සමහාරාම අධිකරණයට කරුණු වාර්තා කර ඇත.වනජීවී අධ්‍යක්ෂ ජනරාල් වරයාගේ උපදෙස් මත ඌව කලාපය භාර වනජීවී සහකාර අධ්‍යක්ෂක උපුල් ඉන්ද්‍රජිත් මහතා ඇතුළු නිලධාරීන් කණ්ඩායමක් මේ පිළිබඳව වැඩිදුර පරීක්ෂණ පවත්වය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
