රොමේෂ් මධුෂංඛ

කිලිනොච්චිය, පච්චිලිපලෙයි ඉත්තාවිල් ප්‍රදේශයේ දී අද (4) අලුයම සිදුවු රිය අනතුරකින් දෙදෙනෙකු ජිවිතක්ෂයට පත්ව ඇති බව කිලිනොච්චිය පලෙයි පොලීසිය පවසයි.

ටිපර් රථයක් හා ලොරි රථයක් මුහුණට මුහුණ ගැටීමෙන් අනතුර සිදුව ඇති අතර, අනතුරින් ලොරි රථයේ හා ටිපර් රථයේ රියදුරන් ජිවිතක්ෂයට පත්ව ඇති බව පලෙයි පොලිසිය සඳහන් කරයි.

ටිපර් රථයේ රියදුරු වු වයස අවුරුදු 32 ක පුද්ගලයකු හා ලොරි රථයේ රියදුරු වු වයස අවුරුදු 40 ක පුද්ගලයකු එලෙස මිය ගොස් තිබේ.

වේගය පාලනය කර ගැනීමට නොහැකිව මෙම අනතුරට සිදුවී ඇතැයි පොලීසිය පවසයි.

මියගිය පුද්ගලයින්ගේ මළ සිරුරු කිලිනොච්චිය රෝහලට ඇතුළත් කර තිබේ. සිද්ධිය සම්බන්ධයෙන් පලෙයි පොලීසිය වැඩිදුර පරීක්ෂණ පවත්වයි.